Corona-Pandemie Gemengen hu lokalen Handlungsspillraum

D'Gemeng Déifferdeng huet vum Gesondheetsministère keng Informatiounen iwwer de lokalen Taux vu Corona-Infektiounen. Déi gréng Buergermeeschtesch Christiane Brassel-Rausch seet op Nofro hin, si hätt just den Taux vum Kanton Esch gesinn, mee keng Zuelen iwwer déi eenzel Gemengen. D'Gemengen hätten awer ewell en direkten Uspriechpartner an der Santé a si hunn och lokalen Handlungsspillraum.

Jean-Claude Franck / cbi

Christiane Brassel-Rausch
D'Déifferdenger Buergermeeschtesch Christiane Brassel-Rausch. Foto: Archiv

De Bäitrag vum Jean-Claude Franck lauschteren


Zu Déifferdéng kréien d'Cafeéen a Restauranten e Bréif vum Schäfferot: dora gëtt rappelléiert, datt d'Bedreiwer an d'Cliente sech mussen un d'Hygiènesmesuren halen, esou d'Buergermeeschterin Christiane Brassel-Rausch. Wa sech net dru gehale gëtt, da kéint si eng Autorisatioun fir d'Terrass ewechhuelen, "oder wann et ganz schlëmm géif ginn, kann ech iwwer d'Police administrative d'Lokal iwwer Nuecht bis den nächsten Dag zoumaachen".

D'Restaurante wieren der grénger Buergermeeschterin no manner de Problem, mee éischter d'Caféen, wou Leit géifen onerlaabt no beienee stoen. "Dir musst sëtzen, oder sollt sëtzen, wann der op enger Terrasse sidd an do consomméiert." D'Reegele géifen dacks net agehale ginn, vill Leit géife keng Mask undoen. "Dat si jo awer och Infektiouns-Foyeren."

Generell hätt si den Androck, datt verschidde Bierger d'Hygiènesmesuren net eescht genuch géif huelen, esou d'Christiane Brassel-Rausch, "mee ech mengen all Stad huet dee Problem". Zuelen iwwer déi spezifesch Situatioun an der Gemeng huet d'Christiane Brassel-Rausch wéi gesot net. Et wier awer méiglech, datt déi nach kéimen.

Méi zum Thema

Jean-Claude Schmit
Corona-Pandemie

D'Santé kritt net méi all d'Kontakter vun Infizéierte retracéiert, seet de Jean-Claude Schmit. Et kéint ee just nach begrenzt den Tracage vu gréissere Clustere maachen, esou den Direkter vun der Santé.

Coronavirus
Coronavirus

Der Fuerschungs-Task Force no gëtt et zu Lëtzebuerg eng zweet Well vu Coronainfektioune mat engem exponentielle Wuesstem. D'Croissance wier méi lues wéi am Mäerz mee trotzdeem eng relativ kloer Indikatioun fir eng zweet Well.

Paulette Lenert, ministre de la Santé ; Xavier Bettel, Premier ministre, ministre d'État
Corona-Pandemie

An der Woch vum 7.-12. Juli goufen et 402 Neiinfektiounen. Een Drëttel dovunner stamen aus de Large scale Tester, seet d'Paulette Lenert. D'Tester wiere kee Selbstzweck, mee fir d'Bevëlkerung ze schützen.

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen