Gemengewahlen "Gepléischters a Gedokters"

Zu Jonglënster ginn et net genuch Schoul- a Betreiungsstrukture fir Kanner a Jonker, kritiséiert de gréngen Oppositiouns-Conseiller Christian Kmiotek. Den CSV-Buergermeeschter Romain Reitz verweist op d'Efforten, déi scho gemaach goufen. Béid Politiker schléissen awer eng schwaarz-gréng Koalitioun net aus.

Maxi Pesch / nw

Romain Reitz a Christian Kmiotek
Romain Reitz, Christian Kmiotek

Am Mëttelpunkt vun der Polemik steet dat aalt Paschtoueschhaus, dat d'Gemeng wëll als Betreiungsstruktur ëmbauen, mä wou d'Proprietéitsverhältnisser nach net gekläert sinn. D'Gemeng wëll d'Gebai fir annerhallef Milliounen Euro kafen, esou de CSV-Buergermeeschter Romain Reitz.

Dem gréngen Oppositiounspolitiker Christian Kmiotek no géif d'Gebai souwéisou schonn der Gemeng gehéieren. Elo géif een op zwee juristesch Avise waarden, fir kënnen unzefänke mat bauen, esou de Romain Reitz.

Sträit ëm Betreiungsstruktur

D'Iddi fir d'Paschtoueschhaus ëmzebauen kéim allerdéngs ze spéit a géif bei Wäitem och net duergoen, esou de Christian Kmiotek. Den Ament proposéiert d'Gemeng Nout-Containeren, fir dem Besoin gerecht ze ginn.

D'Kanner an déi Jugendlech mat Containeren "ofzespeisen", wier keng gutt Léisung: "Mir hunn zu Jonglënster e grousse Besoin fir d'Kannerstrukturen auszebauen, an do muss ech der CSV-LSAP Koalitioun e grousse Virworf maachen, dat war bis ewell just Gepléischters a Gedokters". Dem grénge Politiker feelt et un engem Gesamtkonzept.

Den CSV-Buergermeeschter Romain Reitz léist dëse Virworf net gëllen. D'Gemeng hätt an de leschte Joren nei Strukture gebaut a géif elo op weider Terraine waarden. "Just zu Lënster besteet nach e Problem, do si mir am gaangen, Terrainen am Zentrum vu Lënster ze verhandelen."

Keng Wunnenge fir déi Jonk

Wat de Wunnengsbau ugeet, do géif an der Gemeng Jonglënster zënter sechs Joer "Immobilismus" gemaach ginn, esou e weidere Virworf vum gréngen Oppositiounspolitiker. D'Immobiliepräisser wieren ze héich an déi Jonk kéinte sech keng Wunnenge méi leeschten. "D'Gemenge mussen aktiv ginn".

Datt et net genuch bezuelbare Wunnraum fir déi Jonk gëtt, confirméiert den CSV Buergermeeschter Romain Reitz, mä d'Gemeng géif den Ament och Terraine verhandelen. "D'Gemeng muss Terraine kafen, mä Terrainen am Zentrum vun enger Gemeng sinn och net bëlleg". Deemno kéint et sinn, datt een zu engem Moment an "d'Gréngzonë misst knabbere goen".

An der Mediathéik:

Invité vum Dag / / Maxi Pesch
Lauschteren

Méi zum Thema

Marc Lies (CSV) a Roland Tex (déi Gréng)
Gemengewahlen 2017

Hesper huet kaum abordabel Wunnengen a gëtt eng "Gemeng fir déi Räich", kritiséiert de grénge Gemengeconseiller Roland Tex. D'Politik hätt elo reagéiert, äntwert den CSV-Buergermeeschter Marc Lies.

Wengler-Becker
Gemengewahlen

Am Fréijoer huet d'Iechternacher Gemeng d'Petite Marquise kaf. D'Gebai stoung méi wei 20 Joer eidel a soll ofgerappt ginn. De geplangten Datum vu September kann awer net agehale ginn.

Raoul Clausse, Jean Konsbruck.JPG
Gemengewahlen

Déi klengste Gemeng am Land wëll och an noer Zukunft net fusionéieren. Et hätt ee wéineg finanziell Ressourcen an et wier een op staatlech Hëllef ugewisen, seet de Buergermeeschter vu Sëll.

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen