Stagë vu Studente Gesetzleche Kader soll am Februar virgestallt ginn

D'ACEL begréisst d'Initiativ vum Aarbechtsminister Nicolas Schmit, fir Stagë vu Studente an Entreprisen ze regelen. De Gesetzprojet, un deem d'ACEL och bedeelegt war, wäert an engem gudde Mount virgestallt ginn. Domat soll e Kader fir déi Stagen geschaaft ginn "ouni d'Entreprisen ze decouragéieren, fir Stagiären ze huelen", betount den Aarbechtsminister.

Maurice Molitor / cz

Pol Lutgen ACEL.JPG
Pol Lutgen

Dee Kader wär besonnesch néideg fir déi sougenannt "stages non-conventionnés", seet den (neien) ACEL-President Pol Lutgen, deen op der Generalversammlung vum 26. Dezember un d'Spëtzt vun der Studentenorganisatioun gewielt ginn ass. Am Géigesaz zu den obligatoresche Stagen, déi de Student vu senger Uni virgeschriwwe kritt, a während deenen en iwwer d'Uni sozial verséchert bleift, wären déi fräiwëlleg, nët konventionéiert Stagen fir d'Patronen mat engem gewëssen administrativen Opwand verbonn. Dofir géife si dacks léiwer e Studentenjob wéi e Stage offréieren. Mee do géif déi edukativ Dimensioun feelen: "Et riskéiert een am Keller ze setzen, fir Classeuren ze sortéieren", seet de Pol Lutgen.

Et misst och verhënnert ginn, dass Studenten als bëlleg oder gratis Aarbechtskraaft "mëssbraucht" ginn. D'ACEL begréisst dat ausdrécklech. Hire President sot, et wär ze vertrieden, dass Stagë vun engem bis zwee Méint net géife bezuelt ginn. Bei méi laange Stagë wär eng kleng Remuneratioun awer nëmme korrekt, "souguer wann et sech dobäi éischter ëm e klengt Täschegeld wéi em eng richteg Pei géif handelen", sou de Pol Lutgen.

D'ACEL ënnerstëtzt och d'Pläng vum Minister Nicolas Schmit fir eng Plattform ze schafen, fir Patronen, déi no Stagiäre sichen, a Studenten, déi un engem Stage interesséiert sinn, mateneen a Kontakt ze bréngen. Esou een Instrument géif effektiv feelen, seet d'Sproochrouer vun de Letzebuerger Studenten.

D'Association des Cercles d'Étudiants Luxembourgeois (ACEL) versteet sech als politesch an ideologesch neutralen Daachverband vun haut 46 Studentecercle. Si gouf 1984 gegrënnt, a vertrëtt eegenen Aussoen no d'Interessie "vu méi wéi 10.000 Studenten".

An der Mediathéik:

Invité vum Dag / / Maurice Molitor
Lauschteren

Méi zum Thema

Zwee Studenten op der Gare
Ëffentlechen Transport

D'Konditioune fir den neie gratis Studentenabo hat d'Studentevertriedung ACEL anescht verstanen, wéi den Transportministère. Och bei der Mobilitéitszentral ware verschidden Informatiounen net ukomm.

Coupure de ruban Beggen
Doheem mateneen

Zënter e puer Deeg wunnen an engem Haus zu Beggen auslännesch Studenten an eeler Leit zesummen. Béid Generatioune solle vum Zesummeliewe profitéieren. Et gi méi Gemeinsamkeeten, wéi ee kéint mengen.

Rentrée vun der Uni um Campus Belval
Uni Lëtzebuerg

Um Campus Belval feele Plazen, wou ee richtegt Uni-Liewen kéint entstoen. Där Meenung sinn eng Rei Studenten a Professeren vun der uni.lu. D'Initiativ "Beval est à nous" wëll dat änneren.

luc dahmen.jpg
“Mëschnotzung” um Site Belval

Baussent de ronn 28 Woche während deenen déi normal Coure sinn, soll d’Uni déi zwielef Auditoirë vun der "Maison du savoir" mat aneren Acteuren deelen.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen