Banken Ginn et geschwë Strofzënsen?

Et wier net auszeschléissen, datt och zu Lëtzebuerg privat Cliente vu Banken an Zukunft Strofzënsen op hire Spuerkonten an aneren Depote musse bezuelen, seet de Serge de Cillia. Den Direkter vun der Bankenassociatioun ABBL reagéiert domat op déi rezent Decisioun vun der däitscher Raiffeisebank zu Gmund a Bayern, fir sougenannt negativ Zënse fir privat Clienten anzeféieren.

Pierre Reyland / cwi

De Cillia.JPG
D'Decisioun vun der Raiffeisebank hätt e Steen an d'Rulle bruecht, mengt de Serge de Cillia

D'Decisioun fir Strofzënse fir privat Leit anzeféiere léich bei den eenzele Banken, betount den Direkter vun der ABBL. D'Bankenassociatioun dierft sech do net amëschen.

Der däitscher Bank hir Decisioun fir d’Strofzënsen, déi si bei den Zentralbanke bezilt u privat Cliente weider ze leeden, hätt ee Steen un d’Rulle bruecht. "Deen éischte fänkt un, an da kënnt eng gewëssen Dynamik hannendrun", mengt de Serge de Cillia. Viséiert wieren da virun allem Leit, déi gréisser Zomme bei der Bank parken. Bei der däitscher Raiffeisebank si Leit concernéiert, déi 100.000 Euro oder méi op hirem Kont stoen hunn.

"D'Zënspolitik vun der EZB fonctionnéiert net"

Dem Serge de Cillia no géing dat och dovun ofhänken, wéi laang déi Europäesch Zentralbank mat hirer Politik vu niddregen a negativen Zënse virufiert. De Leetzëns läit den Ament nach ëmmer bei 0 Prozent. An deen negativen Zëns, deen d’Banken op Depote bei der EZB musse bezuelen, läit bei 0,4 Prozent.

Den Drock op d'Revenuen aus den Zënsgeschäfter géing ëmmer méi grouss ginn, esou de Serge de Cillia. Op där anerer Säit wieren d'Banken zënter enger Zäit mat groussen Investissementer konfrontéiert. Duerch déi europäesch an international Reglementatioune wieren d'Fixkäschten immens héich. Decisioune wéi déi vun der Raiffeisebank wier d'Konsequenz.

Fir den ABBL Direkter geet déi niddreg a negativ Zënspolitik vun der EZB net op. Si soll derzou féieren, datt d’Banke méiglechst vill Kreditter un Entreprisë ginn, fir esou d’Ekonomie unzedreiwen. De Problem wier awer dee vun der Demande. "D'Entreprisë maachen net genuch Demanden no Kreditter, well si keng Projeten hunn oder well si keng Linn hu, wéi et mëttel- a laangfristeg ekonomesch an Europa weidergeet."

Wat méiglech Strofzënse fir Privat-Clienten ugeet, huet d’Deutsche Bank iwwerdeems matgedeelt, datt si dat net wäert aféieren. An engem Interview mat der Bild-Zeitung sot ee vun hire Manager awer, déi niddereg Zënse géife vill Instituter derzou zwéngen, d’Tariffer fir verschidde Bank-Servicer eropzesetzen. Och dat kéint zu Lëtzebuerg geschéien, seet de Serge de Cillia. D’Banke missten hir Clienten awer ëmmer iwwer all Tarif-Ännerungen informéieren.


Lauschtert hei de Bäitrag vum Pierre Reyland:

Ginn et geschwë Strofzënsen

An hei de ganzen Interview mam Serge de Cillia:

Interview mam Serge de Cillia (ABBL)

Méi zum Thema

immobilien.jpg
Risikofacteur Immobilien

Vum Immobiliesecteur hei am Land kéint ee méigleche systemesche Risiko ausgoen. Dat schreift de Comité du risque systémique a sengem alleréischte Rapport, deen eis virläit. Et gëtt eng Analys gemaach.

Déi zousätzlech Reguléierung vum Finanzsecteur huet eleng d’läscht Joer de Finanzinstituter zu Lëtzebuerg 380 Milliounen Euro kascht. Déi nei Reegelen hätten d’Finanzinstituter och gezwongen hiert Personal ëm 9 Prozent ze verstäerken.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen