Grand-Duc misst wiele goen

D’Tatsaach, datt de Grand-Duc Henri net op de Wieler-Lëschte steet an also net ka wiele goen ass illegal: zu där Conclusioun kënnt de Professer fir Verfassungsrecht Luc Heuschling a sengem neie Buch “Le Citoyen Monarque”. Weder d’Regierung nach d’Verwaltung hätte juristesch Argumenter, firwat de Staatschef net ka wiele goen.

Vu politescher Säit gëtt d’Meenung vum Verfassungsspezialist gedeelt. De Grand-Duc wier net “hors la loi”, also misst hien an de Wahllëschte stoen, esou de Paul-Henri Meyers (CSV).

Dem Alex Bodry no wier et logesch, datt an der reforméierter Verfassung, d’Garantie ageschriwwe gëtt, fir datt och de Grand-Duc a seng no Famill vum Wahlrecht kënne gebrauch maachen: wéinst der Wahlflicht misst de Grand-Duc da souguer wiele goen, esou den LSAP-Fraktiounschef.

Zënter dem Trounwiessel sinn de Grand-Duc a seng Fra vun de Wielerlëschte gestrach.

Detailer am Bäitrag vum Serge Kesseler:

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen