Gemengepolitik Henri Kox trëtt Mandat a Réimecher Gemengerot net un

De grénge Buergermeeschter sortant Henri Kox trëtt säi Mandat am Réimecher Gemengerot net un. Dat deelen déi Gréng an engem Communiqué mat. Dësen Dënschdeg ass offiziell de leschten Dag vum Henri Kox als Buergermeeschter. No 18 Joer am Déngscht vun de Réimecher Biergerinnen a Bierger an aacht Joer als Buergermeeschter géif et elo duergoen, seet den Henri Kox.

Françoise Keller / tsk / cz

Henri Kox
Henri Kox

Hie géif weideren Entwécklungen net am Wee stoen, seet den Henri Kox. Hie wéilt senge Kollegen den néidege Fräiraum ginn, fir sech z'entwéckelen. Hie wéilt awer weider verschidden Initiative mat ënnerstëtzen. Déi nei Esplanade, den Héichwaasserschutz an de Wunnengsbauprojet Gewännchen wieren Dossieren, bei deenen hie sech an Zukunft nach wéilt engagéieren. Dës Entscheedung wier säi gutt Recht. Seng Entscheedung hätt och mat der Wahlcampagne fir déi lescht Gemengewahlen ze dinn. Dat wier awer net deen eenzege Grond.

Bei de Gemengewahlen dëst Joer am Oktober huet dem Henri Kox seng Partei déi gréng zwee vu véier Sëtz zu Réimech verluer. Vun e Mëttwoch u gëtt Réimech Blo-Schwaarz. Neie Buergermeeschter gëtt de Jacques Sitz (DP).

Méi zum Thema

Wahlen
Gemengewahlen 2017

No de Gemengewahle sinn déi kleng Parteie gréisstendeels zefridden, och wa si hir Ziler net an all Gemeng konnten erreechen. Et wier elo un der Zäit, d'Resultater z'analyséieren. Do si sech d'Parteien eens.

Esch Wahlplakater
Gemengewahlen 2017

Zu Esch huet d'CSV d'LSAP als stäerkst Partei iwwerholl. Esch ass e Beispill vun enger allgemenger Tendenz zu méi konservativ, seet déi aktuell LSAP-Buergermeeschtesch Vera Spautz.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen