COP26 Honnerte Lobbyiste fir d'fossil Energie op der Welt-Klimakonferenz

D'Ëmwelt-Organisatioun Global Witness seet, datt honnerte Lobbyiste fir de Secteur vun der fossiller Energie op der Welt-Klimakonferenz sinn, an do e Secteur representéieren deen eigentlech net wëllkomm ass. Fossil Brennstoffer solle jo ersat gi mat gréngen Energie-Alternativen.

Philip Crowther (Glasgow) / tt

Louis Wilson vu Global Witness
De Louis Wilson schafft fir Global Witness.

Global Witness seet datt iwwer 500 Membere vun der Fossil-Lobby zu Glasgow sinn. Si representéieren och déi gréisst ëmweltschiedlech Konzerner wéi Gazprom, Shell, a BP, seet d'Ëmwelt-Organisatioun. Zesumme wiere si eng méi grouss Delegatioun wéi déi vun all Land op der Welt-Klimakonferenz.

"Si sinn ënner eis, si gesinn aus wéi mir, mee si si fir e ganz anere Grond hei. Erauszefannen, datt 503 Leit hei si mam klore But fir d'Produktioun vu fossiller Energie ze erhéijen ass haart ze verstoen."

esou de Louis Wilson vu Global Witness. Hee géif d'Organisateure vun der COP opfuerderen et "op d'mannst eng Kéier ouni dës Lobbyisten ze probéieren". E puer Delegatiounen, dorënner Kanada, hätten hir eege Lobbyiste fir fossil Energie matbruecht:

"Si schwätze vill iwwer d'Klima mee si hunn dës Leit an den Zentrum vun des Negociatioune bruecht. Eng vun den Handels-Associatiounen huet elo gesot, datt d'Lobbyiste fir eng Rei Grënn hei sinn, an datt fossil Energie just ee vu villen ass."

Méi zum Thema

COP26
Weltklimakonferenz

D'Weltklimakonferenz zu Glasgow ass elo voll amgaang. D'Experten op der Plaz probéieren d'Negociateuren ze beaflossen, d'Aktiviste probéieren hir Presenz spierbar ze maachen, an d'Politiker treffe sech haaptsächlech ënner sech.

Net verpassen

Programm

  • Noriichten

  • On air

    Resonanzen

  • Am Nomëtteg vun 3 bis 6

  • Panorama

  • Tockcity

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen