Ausbau vum Schinnennetz "Iergendwann muss ee Prioritéite setzen"

De Syprolux begréisst déi massiv Investissementer an d'Schinn. Et wieren awer net genuch Leit do, fir all d'Projeten ze realiséieren. "Iergendwann stéisst een u Grenzen", seet d'Presidentin vun der Eisebunnergewerkschaft Mylène Bianchy. Si gouf Enn November mat 86,21 Prozent Zoustëmmung fir véier weider Joer un der Spëtzt vum Syprolux confirméiert gouf.

Maurice Molitor / ys

Mylène Bianchy
Mylène Bianchy

"Mir hunn an de Beräicher Handwierk a Gleisbau zënter Joren e chronesche Personalmanktem", seet d'Syprolux-Presidentin. Si wënscht sech dofir, datt eng Lëscht mat deene Projeten opgestallt gëtt, déi prioritär solle realiséiert ginn.

Komplizéiert wier och d'Situatioun vum Personal, dat fir Entretiensaarbechten um Schinnenetz zoustänneg ass. Duerch den Ëmstand, datt ëmmer méi Zich um Reseau zirkuléieren, géif et ëmmer manner Zäitfënstere ginn, fir déi Aarbechte ze maachen. Dacks bléifen dofir just d'Nuechten. D'Konsequenze vun ëmmer méi Nuetsaarbecht géif een den Equippen umierken. An deem Kontext weist d'Mylène Bianchy och op d'Zuel vun Aarbechtsaccidenter hin, déi an der lescht an d'Luucht gaange wier.

Syprolux deelt Kritik vu CGFP

Wat d'Reform vum ëffentlechen Déngscht ubelaangt, deelt de Syprolux d'Kritike vun der CGFP. Dat confirméiert d'Mylène Bianchy. Si erënnert gläichzäiteg drun, datt de Syprolux vun Ufank u géint déi Reform war: "Dat, wat an enger klassescher Verwaltung Sënn ka maachen, kann een net onbedéngt op en Déngschtleeschtungsbetrib wéi d'Eisebunn iwwerdroen". En Dar am A sinn dem Syprolux besonnesch de Bewäertungssystem an déi zukünfteg Carrière-Entwécklungen, déi besonnesch déi ënnescht Carrièrë géife substantiell penaliséieren.

De Syprolux géif net just op d'CGFP kucken, mä och eegen Demarchen ënnerhuelen, fir Ännerungen duerchzesetzen. D'Gewerkschaft wäert déi politesch Parteie kontaktéieren, seet d'Presidentin: "Da gesi mir, wat den ëffentlechen Transport hinne wäert ass. Och a Saache Statut a Carrière-Evolutioun vun de Leit, déi do schaffen.

Méi zum Thema

cgfp
Ëffentlechen Déngscht

D'Parteie si sech eens: Et ass der CGFP hiert gutt Recht, Revendicatiounen ze stellen a Positiounen ze fuerderen. An der inhaltlecher Beuerteelung vun de CGFP-Revendicatiounen ginn et awer Nuancen.

Etienne Schneider
Verkéier

Fir den Etienne Schneider mécht et kee Sënn méi, massiv a Stroossen a Schinnen z'investéieren. Fir de Verkéiersproblem ze léisen, wier et am einfachsten, wa méi Beschäftegter vun doheem aus schaffen.

François Bausch
Wuesstem

Lëtzebuerg geet am Verkéierschaos ënner. Fir d'Period 2023-2033 annoncéiert de François Bausch eng nei Mobilitéitsstrategie: De MODU 2.0. D'Land bräicht en anere Wuesstemsmodell.

Tram
Ëffentlechen Transport

Zënter en Donneschdeg fiert den Tram ënner reelle Konditiounen um Kierchbierg erop an erof. Zënter Juli waren d'Testfahrten ëmmer nëmmen owes. Elo soll jidderee sech un den Tram gewinnen.

Heiner Monheim
Verkéier

Lëtzebuerg huet ee Verkéiersproblem, seet den däitsche Verkéierswëssenschaftler Heiner Monheim. Et misst ee vum Auto ewech kommen. Eng méiglech Léisung gesäit hien an engem Tram-Train.

CFL multimodal.jpg
Logistikplattform Süden

D'Regierung ass zefridden iwwert de Logistik-Projet zwëschent Beetebuerg an Diddeleng. De Beetebuerger Buergermeeschter manner. Gefaart gëtt eng Verschlëmmerung vun de Problemer mam Trafic.

Programm

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Literaturlabo 7: Bilan

    En Donneschdeg, 7.12. um 19:00 am Institut Pierre Werner

  • Offre d'emploi

    L'Etablissement de Radiodiffusion Socioculturelle recrute un(e) technicien(ne) radio.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen