EUROPA-INTERVIEW Jörg Gerkrath: "EU huet Moyenen, Ungarn a Polen ze ëmgoen"

D'EU kann de Corona-Hëllefspak op den Instanzewee bréngen, trotz dem Veto vun Ungarn a Polen. Dat seet de Jörg Gerkrath, Professer fir europäeschen Droit op der Uni Lëtzebuerg. Et sollt ee vun deene Moyene Gebrauch maachen.

Danièle Weber (Bréissel) / cbi

Viktor Orban
Foto: Europäesch Unioun / Zucchi-Enzo

Déi europäesch Wirtschaft leit ënner der Corona-Kris. Duerch den zweete Lockdown, deen et a ville Länner gëtt, ass den Abroch méi seriö wéi erwaart.

Matten an där Kris blockéieren zwee Länner den europäesche Budget an domat och den Fonds de Relance, duerch deen Anti-Krise-Mesurë solle finanzéiert ginn.

Coopération renforcée

Dem EU-Recht no ass et am Kader vun enger sougenannter Coopéeration renforcée méiglech, datt sech just eng Partie EU-Länner zesummendinn, wann anerer op deem Gebitt net matzéie wëllen. Et mussen op d'mannst néng Länner sinn, fir dat Instrument benotzen ze kënnen.

Et kéint een also dee Veto vun Ungarn a Polen ëmgoen, seet de Jörg Gerkrath, Professer op der Uni Lëtzebuerg an Expert am Europäeschen Droit a gräift domat d'Iddi op, déi fir d'éischt e puer Europadeputéiert an d'Spill bruecht haten.

"Man hat das in den Verträgen festgelegt um zu verhindern, dass einzelne Staaten alle anderen ausbremsen. Dass die anderen Staaten, hier wären es ja 25, das machen können, macht Sinn und man sollte diesen Weg ruhig benutzen um zu zeigen: wir lassen uns nicht einfach so blockieren."

Et géif doriwwer eraus ëmmer nach d'Méiglechkeet ginn, datt Polen an Ungarn sech méi spéit deem Grupp uschléissen, esou den Expert.

Ee Vertrag ausserhalb vun der EU

Déi zweet Méiglechkeet, ee Vertrag tëschent Länner baussent der EU, kéint och funktionéieren, seet de Jörg Gerkrath. Dat wier awer méi schwéierfälleg a géif och méi laang daueren.

Polen an Ungarn blockéiere wéinst engen neien Instrument, dat soll d'Ausbezuele vun EU-Suen un de Respekt vum Rechtsstaat koppelen.

Et géif net stëmmen, datt béid Länner kee Moyen hu fir géint dee Mechanismus virzegoen. Si kéinten zum Beispill virum Europäesche Geriichtshaff dogéint kloen an esou iwwerpréiwe loossen, ob e konform mat EU-Recht ass, erkläert de Jörg Gerkrath.

Et misst sech an der Praxis weisen, wéi effikass dat neit Instrument wier. Bis elo hat d'EU net vill Moyenen hei anzegräifen.

"Das neue Verfahren könnte in der Praxis immer dann greifen, wenn es um die Umsetzung und den Vollzug des Europäischen Haushalts geht. Es wäre komplementär zu den Vertragsverletzungsverfahren, welche die EU-Kommission einleiten kann. Das wäre ein starkes Druckmittel und ich denke, das könnte durchaus funktionieren."


An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.

An der Mediathéik:

Europa Aktuell / / Danièle Weber
Lauschteren

Méi zum Thema

Danièle Weber
EU-FINANZPAK

An der EU sinn 1,8 Billiounen Euro blockéiert. Ungarn a Polen hunn ee Veto ageluecht, si gi mëttlerweil vu Slowenien ënnerstëtzt. Wéi eng Méiglechkeete gëtt et fir een Auswee ze fannen?

Valérie Hayer
EUROPA-INTERVIEW

Ungarn a Polen droen domat, den EU-Budget ze blockéieren. Dat géif den Accord mam Europaparlament awer net a Fro stellen, seet d'Valérie Hayer, Europadeputéiert vu La République en marche.

Programm

  • Ligne 2

  • On air

    Notturno

  • Vu 6 bis 10

  • Vun 10 bis 2

  • Vun 10 bis 2

Net verpassen

  • Den OPL an de Leonidas Kavakos live

    Leonidas Kavakos.jpg

    Erlieft den Owend live um 8 Auer de Philharmoneschen Orchester Lëtzebuerg mat Wierker vu Joseph Haydn an Antonin Dvorak. Chef invité ass de Leonidas Kavakos, Solist um Cello de Gautier Capuçon. 

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen