Sport "Kanner sollen hir Beweegung ausliewen"

Als Profisportler soll een ëmmer och eng aner Ausbildung gemaach hunn, fir wann d'Sportlercarrière eng Kéier eriwwer ass, seet de Lëtzebuerger Volleyballsspiller Gilles Braas. Den ausgebilte Schoulmeeschter huet e Saisonsvertrag mam Bundesligaveräin SWD Powervolleys Düren ënnerschriwwen. Kanner misste scho virun der Schoul an hirer Beweegung gefërdert ginn.

Mick Entringer / ys

Gilles Braas
Gilles Braas (Foto: Francis Manderscheid/volleyball.lu)

De Lëtzebuerger Volleyballsspiller Gilles Braas wiesselt vu Walfer an déi däitsch Bundesliga. Den ausgebilte Schoulmeeschter huet e Saisonsvertrag mam "SWD Powervolleys Düren" ënnerschriwwen. De Veräin ass dräimol däitsche Vizemeeschter ginn a stoung véiermol an der Final vun der däitscher Volleyballcoupe. Den SWD Powervolleys huet et d'lescht Saison an d'Halleffinal vun der Bundesliga gepackt.

Wéi och am Futtball, géif d'Geld eng Roll spillen. Mat méi Sue kéint e Veräin besser Spiller kafen. Mat deem wat hie géif kréien, kéim hien iwwert Ronnen, seet de Gilles Braas.

De Sportslycée: eng gutt Léisung

Ëmmer manner Jonker maache regelméisseg Sport. D'Schoul géif eng wichteg Roll spillen an der Promotioun vum Sport, seet de de Gilles Braas. D'Kanner sollte sech schonn ier si an d'Schoul gi beweegen. Derbäi dierft hinnen net iergendeppes opgezwonge ginn, mä et soll een d'Kanner hir Beweegung ausliewe loossen. Si sollen erausgoen op d'Spillplaz.

"Do gëtt et nach vill Sputt no uewen, well mir am Moment ëmmer méi an enger Gesellschaft sinn, déi ëmmer méi mat de Medien ze dinn huet a sech manner beweegt."

Et wier immens wichteg, wann een eng Sportlercarrière ugeet, datt ee professionell eppes zousätzlech an der Hand huet, seet de Profi-Volleyballsspiller. Eng Sportlercarrière hätt ëmmer e gewësse Risiko a kéint séier eriwwer sinn, wann een eng Verletzung kritt. De Sportslycée wier ganz interessant an deem Sënn, well et de Sportler géing erlaben, en Diplom ze kréien. Lëtzebuerg hätt do de richtege Wee ageschloen.

An der Mediathéik:

Invité vum Dag / / Mick Entringer
Lauschteren

Méi zum Thema

Ben-Gastauer.jpg
Ben Gastauer

Bei all Tour de France-Participatioun vum Ben Gastauer stoung ee vu sengen Teamkollegen um Enn um Podium. Op seng Roll als Co-Equipier ass de Schëfflenger houfreg. Bis 2020 bleift hien AG2R erhalen.

Fussball Meenung
Just nach e Geschäft

Mat 38 Milliounen d'Joer ass den argentinesche Futtballer Carlos Tevez dee beschtbezuelte Spiller weltwäit. D'Transfer-Zommen, déi fir Spiller bezuelt ginn, klammen an de leschte Joren ëmmer méi.

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen