Keng Biergerforumen am Virfeld vum Verfassungsreferendum

Virum Verfassungsreferendum de 7. Juni ginn anescht wéi geplangt kéng Biergerforumen organiséiert. D’Decisioun ass de leschten Donneschdeg an der Presidentekonferenz vun der Chamber gefall.

D’Uni hat wëlles Diskussiounsforume vun 30 Lëtzebuerger mat Deputéierten an Experten iwwert déi verschidde Referendumsfroen z’organiséieren.

An der Chamber goufe sech Suerge gemaach, datt ee sech d’Fangere verbrennt. D’Grënn fir kéng Biergerforumen z’organiséiere si praktesch a methodologesch Froen, esou den DP-Fraktiounschef Eugène Berger.

De Chamberpresident Mars Di Bartolomeo huet ënnerstrach, datt d’Iddi vu Biergerforumen am Kontext vun der ganzer Verfassungsrevisioun net ofgeschmettert wier. Zu dësem Moment, virun engem Referendum mat dräi Froe, wier d’Plus-value duerch esou Forumen awer net evident.

De Bäitrag vum Serge Kesseler:

 

Déi éischt Reaktioun vum Chamberpresident Mars Di Bartolomeo am Interview mam Serge Kesseler:

 

CSV an ADR begréissen, datt et am Virfeld vum consultative Verfassungsreferendum de 7. Juni kéng Biergerforume ginn: Déi Lénk bedauert dës Entscheedung.

Dem CSV-Fraktiounschef Claude Wiseler no, wier de Virschlag vun der Uni fir Biergerforume virum Referendum z’organiséieren, nach net ausgeräift gewiescht. Esou Forumen zum geplangten Zäitpunkt wiere weder sënnvoll nach produktiv gewiescht.

Den ADR-Deputéierte Gast Gibéryen schwätzt bei de Biergerforume souguer vun engem geplangten Experiment am Kader vu Wahlen.

De Bäitrag vum Serge Kesseler:

 

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen