De Grand-Duc Jean Lëtzebuerg huet Äddi gesot

Vill Bierger, offiziell Vertrieder aus Politik a Gesellschaft sou wéi Vertrieder vu Kinnekshaiser hunn dem verstuerwene Grand-Duc Jean déi lescht Éier erwisen. Bis haut den Owend gëllt eng Staatstrauer.

Funérailles de S.A.R. le Grand-Duc Jean, Cathédrale Notre-Dame de Luxembourg, samedi 4 mai 2019
Foto: Guy Wolff / Luxemburger Wort

De Grand-Duc Jean wier e baarmhäerzege Mënsch gewiescht, sot den Äerzbëschof Jean-Claude Hollerich a senger Priedegt während der Trauerzeremonie an der Kathedral. Déi éischt grouss Léift vum verstuerwene Grand-Duc Jean wier säin Heemechtsland gewiescht. Hien hätt gewisen, datt d'Liewe schéi wier, trotz allem Ongléck dat kéint geschéien. Elo wier de Grand-Duc Jean mat sengen Eltere vereent an och mat all deene Lëtzebuerger, déi am Krich hiert Liewe fir d'Fräiheet vum Land ginn hätten.

Vill Leit waren an der Uewerstad fir dem fréiere Staatschef déi lescht Éier z'erweisen. Och vill Vertrieder vun auslännesche Kinnekshaiser ware präsent, sou wéi offiziell Vertrieder aus Politik a Gesellschaft.

No der Mass gouf de Grand-Duc Jean an der Krypta vun der Kathedral bäigesat. De Grand-Duc Jean, Staatschef vun 1964 bis 2000, war den 23. Abrëll am Alter vun 98 Joer verstuerwen. Bis haut den Owend gëllt eng Staatstrauer.

Programm

Praktesch Infoen

  • 31.5. Schengener Gespréicher

    31.5. Schengener Gespréicher

    D'Pandemie - vum Coronavirus ausgeléist - huet dem Commerce an der Groussregioun grouss finanziell Abousse bruecht. Mëttlerweil sinn d'Geschäfter nees op, mee vun enger ekonomesch gesonder Vitesse de croisière ass een nach wäit ewech.

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen