EU-Politesche Wocheréckbléck Lëtzebuerg weider fir Vetorecht a Steierfroen?

D'Unanimitéit an de Steierfroe soll ofgeschaaft ginn, fënnt d'EU-Kommissioun. Dat ass och eng laangjäreg Fuerderung vun deenen europäesche Gréngen. Lëtzebuerg war awer bis elo dogéint. Kënnt et elo zu engem Konflikt an der Regierung? Doriwwer schwätze mir mat eiser EU-Korrespondentin Danièle Weber.

Danièle Weber / cz

Danièle Weber
D'100,7-EU-Korrespondentin Danièle Weber

De Brexit huet natierlech déi europapolitesch Woch bestëmmt. Mee et goufen och aner Sujeten zu Bréissel. Een dovun ass net onwichteg fir Lëtzebuerg a betrëfft, d'Aart a Weis, wéi an der EU Decisiounen an der Steierpolitik geholl ginn. D'EU-Kommissioun wot sech un eng helleg Kou erun an huet eng Propos gemaach, fir d'Unanimitéit an deem Beräich ofzeschafen. Déi, déi dogéint sinn, brauche sech awer keng Suergen ze maachen.

Dat leit dorun, wéi d'Kommissioun dës Ännerung proposéiert. Fir datt d'Propos ugeholl gëtt, muss all EU-Land d'Accord sinn. Lëtzebuerg oder een anert Land brauch also nëmmen Nee ze soen, an alles bleift beim Alen.

Firwat proposéiert d'Kommissioun dann eppes, wat keng Chancen huet?

Blo a Gréng hu verschidde Positiounen

Där Fro gi mir am Gespréich mat eiser EU-Korrespondentin Danièle Weber no a mir kucken och op d'Lëtzebuerger Regierung.

D'DP huet an hirem Wahlprogramm stoen, si wier dofir, datt d'Unanimitéit a Steierfroen bleift. Déi aner zwou Regierungsparteien hunn dozou näischt gesot.

D'Vetorecht ofzeschafen ass awer op europäeschem Niveau eng Fuerderung vun deene Gréngen, där sech och d'Europadeputéiert Tilly Metz ugeschloss huet.

Kënnt elo an där Fro zu engem Regierungskonflikt?

An der Mediathéik:

Aktuelles / / Danièle Weber
Lauschteren

Méi zum Thema

Danièle Weber Analys
Brexit-Vott zu London

Dat britescht Parlament huet also ganz däitlech Nee zu deem Brexit-Accord gesot, deen tëschent Bréissel a London ausgehandelt gouf. Wéi gouf zu Bréissel op dëse Vott reagéiert?

Programm

  • Noriichten

  • On air

    Moies-Magazin

    • Invité am Moies-Magazin - Karine Paris, Coordinatrice beim CELL fir Urban Gardening

  • Panorama

  • Iwwer Mëtteg

  • Key to Classics

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen