Olympesch Spiller Lëtzebuerger Athleten zu Tokyo am Asaz

Bei den Olympesche Spiller zu Tokyo koum d'Christine Majerus op déi 20. Plaz, beim Dressurreide koum den Nicolas Wagner net an den nächsten Tour. D'Ni Xia Lian huet am Dëschtennis iwwerraschend am zweeten Tour verluer.

Philip Crowther (Tokyo) / cbi

D'Ni Xian Lian an d'Sarah De Nutte
D'Ni Xian Lian an d'Sarah De Nutte sinn allebéid bei der Olympiad zu Tokyo elimiéiert ginn. Foto: picture alliance / Gladys Chai von der Laage | Gladys Chai von der Laage (Archiv)

Lauschteren


Zwee Sportler waren zefridden: déi 20. Plaz fir d'Christine Majerus war e gutt Resultat, net wäit ewech vun deem vun hiren zwou anere Performancë bei Olympesche Spiller.

Den Nicolas Wagner ass zwar net weider, mee zesumme mam Päerd "Quarter Back Junior" gouf et trotzdeem eng 25. Plaz, déi sech weise léist beim Dressurreiden.

Ni Xia Lian: "Ech hu keng Chance net genotzt"

Am Dëschtennis sinn béid Lëtzebuerger Fraen eraus. Fir d'Ni Xia Lian war et déi fënneft Participatioun bei Olympia.

Mat hirem Match géint d'Südkoreanerin Yubin Shin huet déi 58 Joer al Lëtzebuergerin zwar knapps a siwe Sätz verluer, mee huet dobäi awer e Rekord etabléiert: nach ni war e Sportler esou al beim olympeschen Dëschtennis-Tournoi. Ee Rekord, deen an hirem Gebuertsland China net méiglech gewiescht wier, esou d'Sportlerin.

No hirer Defaite huet d'Ni Xia Lian sech enttäuscht gewisen, konnt awer laachen. Iwwer hir Defaite wier si enttäuscht, seet si nom Match am 100,7-Interview. "Ech hat eng Chance, mee ech hunn déi net genotzt." Hir Géignerin Yubin Shin wier jonk, "en neie Star" am Dëschtennis, déi aacht bis zéng Stonnen den Dag trainéiert. "Esou eng Aarbecht mécht den Ënnerscheed", esou d'Ni Xia Lian.

Sarah De Nutte: "Ech hunn alles ginn"

No dëser Defaite a wéinst de strenge Corona-Reegelen huet d'Ni Xia Lian elo just zwee Deeg fir ofzereesen a villäicht schonn iwwer déi nächst Olympesch Spiller zu Paräis nozedenken.

Do kéint och d'Sarah De Nutte dobäi sinn. Trotz knapper Defaite huet d'Spillerin Loscht op Olympia. Déi 28 Joer al Spillerin huet och a siwe Sätz verluer a konnt no der Defaite hier Tréinen net verstoppen.

"Ech fannen, datt ech gutt gespillt hunn, ech hunn alles ginn, ech hu gekämpft, ech hu kee Regret, dat hunn ech mer virgeholl ier ech heihi komm sinn."

Weider Lëtzebuerger Participatioune gëtt et an deene nächsten Deeg, dorënner déi zwee Schwëmmer Julie Meynen a Raphael Stacchiotti.

Méi zum Thema

NI.jpg
Olympesch Spiller

Bei den Olympesche Spiller zu Tokyo huet d'Ni Xia Lian de Samsdeg iwwerraschend am zweeten Tour verluer. Fir si war et déi fënneft Participatioun bei Olympia. Méi al war nach ni e Sportler am olympeschen Dëschtennis-Tournoi.

Philippe Crowther Tokyo
Sport

An e puer Stonne fänken zu Tokio offiziell d'Olympesch Spiller un. Ee Joer méi spéit wéi geplangt . D'japanesch Bevëlkerung, déi hunn Angscht datt et wärend dem Evenement zu enger neier Well u Covid-19 Infektioune komme kéint.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

  • Notturno

  • On air

    Virum Dag vu 6 bis 10

  • Panorama

  • Virum Dag vu 6 bis 10

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen