Chambre de Commerce Luc Frieden dierf Affekot bleiwen

Den neie President vun der Chambre de Commerce, de Luc Frieden, dierf weiderhin als Affekot schaffen. Dat seet de Bâtonnier vum Barreau, de François Kremer. De Beruff vum Affekot dierf een net ausüben, wann een an enger exekutiver Funktioun vun enger Gesellschaft schafft, also d'Dagesgeschäft mat leet.

Stephan Polet / cbi

Luc Frieden
De Luc Frieden ass knapps eng Woch President vun der Handelskammer. Foto: Archiv

Dat wier awer hei net de Fall, esou de François Kremer, well de Maître Frieden President vun der Chambre de Commerce wier, an "dat ass keng exekutiv Funktioun":

"Hien dierf no dem Affekotegesetz déi Funktioun iwwerhuelen an hien dierft um Tableau vun den Affekote bleiwen. Wat den Här Frieden net dierf, an och net seng Etüd bei där hie schafft, Elvinger-Hoss-Prüssen, dat ass Affären unhuele géint d'Chambre de Commerce, well do hätt hien e Conflit d'intérêt."

Ob et en Interessekonflikt géif ginn, wann e Member vun der Chambre de Commerce implizéiert ass, wier schwéier ze soen, esou de François Kremer. Bal all Entreprise hei am Land ass automatesch Member vun der Handelskammer. Wann de Fall géif opkommen, misst de Conseil de l'ordre des avocats eng Entscheedung treffen.

Lescht Woch war de fréieren CSV-Minister Luc Frieden als President vun der Chambre de Commerce gewielt ginn. Nieft där Funktioun schafft de Luc Frieden als Affekot an ass Member vum Conseil d'Administration vun der BIL.


De Bâtonnier vum Barreau François Kremer:

Lauschteren

Méi zum Thema

Luc Frieden an Etienne Schneider
Chambre de Commerce

De fréieren CSV-Minister Luc Frieden ass neie President vun der Chambre de Commerce. Et ass déi éischte Kéier, datt e Vertrieder vum Finanzsecteur President vun der Beruffschamber gëtt.

Robert Dennewald
Chambre de Commerce

"De Luc Frieden ass kee vun eis", seet de Robert Dennwald. Hien ass net zefridde mat der Manéier, wéi de Luc Frieden an d'Gespréich bruecht gi wier, fir neie President vun der Chambre de Commerce ze ginn.

Programm

  • The Benny Brown Show

  • On air

    Notturno

  • Notturno

  • Virum Dag

  • Moies-Magazin

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen