#LuxLeaks: Gréng Fraktioun am EP fuerdert Enquêtekommissioun

Déi gréng Fraktioun am Europaparlament fuerdert eng Enquêtekommissioun, déi di sougenannte “Steier-Rulingen” an de Memberstate soll ënner d’Lupp huelen. An der Suite vun de LuxLeaks-Revelatiounen iwwer Steieraccorde vu Lëtzebuerg mat multinationalen Entreprisen, wier et elo um Europaparlament fir generell z’iwwerpréiwen ob an der EU duerch des Praxis Abusen entstinn.

De gréngen Europadeputéierte Claude Turmes schléisst dann och net aus, datt ë.a. den EU-Kommissiounspresident Jean-Claude Juncker als fréiere Lëtzebuerger Premier virun der Enquêtekommissioun misst aussoen. Eng Rei Politiker a Vertrieder vun de concernéierte Berodungsfirme missten eventuell gehéiert ginn, dat och well d’Europaparlament wéint dem Steiergeheimnis eventuell net un all déi relevant Dokumenter kënnt.

Fir esou eng Kommissioun anzeberuffen, ass ee Véirel vun de Stëmmen am Europaparlament néideg. Déi gréng Fraktioun zielt drop, datt ë.a. eng Rei liberal a sozial-demokratesch Europadeputéiert d’Motioun wäerten ënnerstëtzen.

Den Interview vum Pia Oppel mam Claude Turmes:

 

Déi gréng Fraktiounschefin Viviane Loschetter sot op Nofro hinn, datt hir Fraktioun d’Initiativ vum Europaparlament fir richteg hält. Um Niveau vun der Chamber wier an hiren Aen awer keng Enquêtekommissioun néideg, fir déi Lëtzebuerger Rulingen ënnert d’Lupp ze huelen.

Am Europaparlament kënnt et iwwerdeems elo zu engem Mësstrauensvote géint d'EU-Kommissioun. Eng entspriechend Motion de censure, vun der europaskeptescher Fraktioun "Europa vun der Fräiheet an der Demokratie" krut déi néideg 76 Stëmmen. D'Motioun gëtt ënnert anerem vun den Deputéierte vum Front National ënnerstëtzt. Domadder ass d'Konditioun erfëllt fir ee Vote am Europaparlament erbäi ze féieren. Fir d'Kommissioun ofzewielen ass eng Zwee-Drëttel-Majoritéit néideg.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen