EU-POLITESCHE WOCHERÉCKBLÉCK Männer dominéiere weider an der Europäescher Politik

An der neier Europäescher Kommissioun solle genee esou vill Frae wéi Männer sinn. Dat hat déi zukünfteg Kommissiounspresidentin Ursula von der Leyen am Juli versprach. Elo steet awer fest: D'Paritéit wäert net erreecht ginn. Frae sinn an der europäescher Politik nach ëmmer staark ënnerrepresentéiert. Zu Lëtzebuerg besonnesch. Dat weist eng nei Etüd.

Danièle Weber (Bréissel) / cbi

Danièle Weber
D'Danièle Weber couvréiert fir de radio 100,7 déi europäesch Politik zu Bréissel a Stroosbuerg. Foto: Archiv

"Ech hätt gären eng Kommissioun mat 50 Prozent Fraen a 50 Prozent Männer. Dowéinst froen ech d'Staats- a Regierungscheffe vun de Memberlänner all kéiers zwou Persounen, eng Fra an ee Mann, ze nominéieren". Dat hat d'Ursula von der Leyen, déi zukünfteg EU-Kommissiounscheffin am Juli am Europaparlament gesot.

De Virsaz, zwee Kandidate pro Land ze froen, huet si dono net ëmgesat. Fakt ass, datt 12 Länner um Enn eng Fra nominéiert hunn. Zesumme mat der Presidentin wier déi nei Kommissioun also op 13 Frae komm.

Nei Kommissioun: Bis elo 12 Fraen, 15 Männer

Fakt ass och, datt dono dräi vun deene Kandidate vum Europaparlament no den Auditioune refuséiert goufen. Dorënner waren zwou Fraen, nei nominéiert gouf iwwerdeems just eng Fra. Bleiwen also just 12 Frae par Rapport zu 15 Männer fir déi nei Equipe von der Leyen.

Dobäi kënnt, datt dës Woch och Groussbritannie gefrot gouf, ee Kommissär ze nennen. Dat kéint natierlech och ee Mann sinn, well et ass net ausgeschloss, datt den aktuelle briteschen EU-Kommissär gefrot gëtt, säi Mandat ze verlängeren.

D'Fro stellt sech, firwat d'Ursula von der Leyen net drop gepocht huet, datt Frankräich eng Fra nominéiert. Oder firwat de franséische President selwer net dorop gehalen huet.


Datt den Emmanuel Macron, dee soss esou op d'Paritéit pocht, dat net gemaach huet, ass schappeg. Schappeg ass och, datt Lëtzebuerg enger neier Etüd no, wat de Fraenundeel an der Politik ugeet, wäit ënner där schlechter europäescher Moyenne läit, mengt d'Danièle Weber an eisem EU-politesche Wocheréckbléck, an Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.

Dir kënnt en hei ganz lauschteren:

An der Mediathéik:

Europa Aktuell / / Danièle Weber
Lauschteren

Méi zum Thema

Fändele vun der EU virum Berlaymont-Gebai
EU-KOMMISSIOUN

De Jean-Claude Juncker ka weider ee Büro am Kommissiounsgebai zu Bréissel notzen, och nodeems hien net méi President vun der Kommissioun ass. Déi Reegel ass nei, si gëllt fir fënnef Joer.

De Vietnamesesche Premierminister Nguyen Xuan Phuc an d'Cecilia Malmström. Foto: Nguyen Thanh Khanh / EC - Audiovisual Service
Handelsaccord tëschent EU a Vietnam

Vietnamesesch ONGen appelléieren un d'Europaparlament, den Handelsaccord mat der EU elo net unzehuelen. D'Autoritéite géifen ëmmer méi haart géint Mënscherechtler virgoen. Den Accord soll u Konditioune geknäppt ginn.

Ursula von der Leyen
Nei EU-Kommissioun

​13 Fraen a 14 Männer sinn op der provisorescher Lëscht vun de neien EU-Kommissären, déi d'Ursula von der Leyen proposéiert. De Nicolas Schmit ass och dobäi.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Offre d'emploi: Un(e) rédacteur(rice) web

    Webjournalist

    L'Etablissement Public de Radiodiffusion Socioculturelle recrute, pour entrée immédiate ou à convenir, Un(e) rédacteur(rice) web sous contrat à durée déterminée pour une durée de 12 mois et à temps plein.

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen