Marc Schoentgen Zentrum fir politesch Bildung bleift neutral

De Lëtzebuerger Zentrum fir politesch Bildung wier politesch neutral, seet den Direkter Marc Schoentgen. Ënnert de Membere vum Verwaltungsrot vum Zentrum sinn awer de Paul Galles, dee bei de Gemengewahlen fir d'CSV an der Stad kandidéiert huet an de Robert Garcia, dee fir déi gréng zu Diddeleng Gemengeconseiller ass.

Carole Schimmer / cz

Marc Schoentgen
Marc Schoentgen

De Marc Schoentgen gesäit dat net als problematesch fir d'Neutralitéit vum Zentrum fir politesch Bildung. Wat eenzel Persounen aus dem Verwaltungsrot an hirem Privatliewe géife maachen, dat wier hinne fräigestallt. Beim Choix vun de Membere vun deem Gremium, hätt déi politesch Faarf oder Positionéierung och keng Roll gespillt. Grondwäerter, op déi sech d'Fondatioun baséiert, sinn déi vun de Bierger a Mënscherechter, ënnersträicht de Marc Schoentgen.

Pedagogescht Material iwwert d'Lëtzebuerger Institutiounen

D'Chamber wëllt dëst Joer an Zesummenaarbecht mam Zentrum fir politesch Bildung pädagogescht Material ausschaffen, fir de Schüler an de Bierger d'Fonctionnement vum Parlament an de Lëtzebuerger Institutiounen op eng einfach Aart a Weis z'erklären. Geplangt si Filmer a pädagogesch Dokumenter, déi an de Schoule kenne genotzt ginn. Wichteg wier et opzepassen, datt een eng Sprooch notzt, déi fir jidderee verständlech ass.

Broschüren an "einfacher Sprooch"

Bierger, déi keng Lieskompetenzen hunn oder déi verschidde Sprooche wéi Franséisch net gutt verstinn, dierfen net aus dem politesche Liewen ausgeschloss ginn. An deem Sënn huet den Zentrum fir politesch Bildung nei Broschüren ausgeschafft, déi an "einfacher Sprooch" formuléiert sinn.

"D'Sprooch soll keng Barrière sinn, wann et drëm geet, eng Institutioun a politesch Prozesser ze verstoen", seet de Marc Schoentgen.

Juristen oder Beamte kéinten mat Liichtegkeet komplex Texter, déi op Franséisch formuléiert sinn, verstoen. Fir Jonker oder Bierger, déi dat Wëssen net hunn, kann d'Franséischt eng Barrière duerstellen. Dat selwecht gëllt fir Texter, déi op Däitsch oder op Lëtzebuergesch geschriwwe sinn. Deem misst een an der politescher Bildung och Rechnung droen, ënnersträicht de Marc Schoentgen.

An der Mediathéik:

Invité vum Dag / / Carole Schimmer
Lauschteren

Méi zum Thema

Generation What.jpg
Sondage

Dräi Véierels vun de Jonken hei am Land fannen net, datt de Schoulsystem si gutt op d’Beruffsliewe virbereet. Dat geet aus der Etude "Generation What?" ervir. Allerdéngs sinn déi Resultater ze nuancéieren.

Jugendparlament an der Chamber
Politesch Bildung

An Zäite wou de Populismus am Opschwong ass, gëtt politesch Bildung méi wichteg, mengen d'Experten. Praktesch Erfahrungen mat demokrateschen Decisioune wiere wichteg, fir theoretescht Wëssen z'ergänzen.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen