Medezinesche Cannabis Problemer beim Ëmsetze vum Medezinesche Cannabis

De Lancement vum medezinesche Cannabis war net gutt genuch preparéiert, seet de Grégory Gaudillot. Am 100,7-Interview erkläert de President vun der Associatioun vun de Spidolsapdikte wéi eng Problemer et beim Pilotprojet ginn.

Maxi Pesch / cz

Exklusiv Behälter Apdikt
Foto: Bigstock / TeroVesalainen

Well de Gesondheetsministère eng falsch Aschätzung gemaach huet, gëtt et den Ament eng Rupture de Stock vum Medezinesche Cannabis hei am Land. Dem Grégory Gaudillot no wier am Virfeld net genuch mat de Concernéierten um Terrain diskutéiert gi fir déi bescht méiglech Estimatioun ze maachen.

Hien nennt generell d'Dokteren an d'Patientevertriedung als Acteuren, déi net genuch consultéiert gi wieren. "Et schéngt, wéi wann de Lancement vum Medezinesche Cannabis e bësse séier gaange wier a wéi wann de Pilotprojet am Virfeld net genuch preparéiert gi wier", sou de Grégory Gaudillot.

Den Ament kënne just déi véier Spidolsapdikten am Land de Medezinesche Cannabis verdreiwen. Zweemol hätt d'Associatioun sech mëttlerweil mam Gesondheetsministère getraff fir iwwer Verbesserungspropose beim Pilotprojet ze diskutéieren.

25 Prozent méi Moyenen

D'Spidolsapdikte kéinte just fonctionnéieren, wa se déi néideg Moyenen hätten. Et misst een aktuell méi Patiente betreien, wéi eigentlech virgesinn. "Mir hunn ausgerechent, datt mir jee no Patient 30 bis 60 Minutte brauche fir de medezinesche Cannabis ze ginn. Mir hu gefrot fir 25 Prozent méi Moyenen an all den Etablissementer ze kréien", sou de Grégory Gaudillot.

Dobäi kéim, datt déi dräi Indikatiounen, déi am Gesetz virgesi si fir medezinesche Cannabis ze kréien an och d'Ordonnance mat där den Dokter de Medezinesche Cannabis verschreift, ze vill Interpretatiounsspillraum géife loossen.

Stock soll sech nees normaliséieren

Den Dokter hätt beim Ausfëlle vun den Ordonnancen eng gewëss Fräiheet, hie wier net doru gebonnen eng vun den dräi gëltegen Indikatiounen unzekräizen, déi d'Gesetz géif virgesinn, kritiséiert de Grégory Gaudillot. Dat misst senger Meenung no geännert ginn, "well den Apdikter ass net do fir dem Dokter seng Indikatioun ze jugéieren".

Dem President vun der Associatioun vun de Spidolsapdikten no géifen nach vill Froen op bleiwen

De Gesondheetsministère hätt der Associatioun vun de Spidolsapdikten awer verséchert, datt de Stock vum Medezinesche Cannabis sech bis Enn vum Summer nees géif normaliséieren.

Méi zum Thema

Cannabis Rupture de Stock
Medezinesche Cannabis

Eng ze niddereg Estimatioun ass ee vun de Grënn wisou et zu enger kuerzzäiteger Rupture vum Stock vu medizineschem Cannabis hei am Land komm ass. Weider Grënn wieren Importatiouns-Quotaen, sou de Gesondheetsministère.

Jean-Claude Schmit.JPG
Gesondheetssecteur

Den Interessi vun den Dokteren fir déi éischt Formatioun iwwer de medezinesche Cannabis war grouss. Déi 150 Plazen, déi d'Direktioun vun der Santé virgesinn hat, ware séier besat.

Cannabis mat dräi Jointen
Chamberwahlen 2018

Wéi soll Cannabis an Zukunft reglementéiert ginn? An der Chamber war eng entspriechend Kommissiounssëtzung, déi sech domat befaasst huet. Wat sinn d'Positioune vun de verschiddene Parteien?

Cannabis Ueleg
Medezin

An Zukunft ass de Konsum vu Cannabis, dee fir medezinesch an therapeutesch Zwecker genotzt gëtt, zu Lëtzebuerg erlaabt. D'Chamber huet eestëmmeg d'Gesetz ugeholl, mat deem de legale Kader festgeluecht gëtt.

Programm

Net verpassen

  • Annonce: Recherche d'un journaliste-présentateur

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 journaliste-présentateur (m/f) sous contrat à durée déterminée (12 mois) et à tâche complète (40h/semaine)

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen