Brexit-Verhandlungen Méiglecherweis méi laang Iwwergangsperiod fir Groussbritannien

Bei de Brexit-Verhandlunge ginn et nach net genuch Fortschrëtter. Dat gouf de Mëttwoch den Owend spéit um EU-Sommet zu Bréissel festgestallt. Virdrun hat déi britesch Regierungscheffin Theresa May déi 27 aner Staats- a Regierungscheffen informéiert. Groussbritannien wëllt d'Europäesch Unioun a gutt fënnef Méint, den 29. Mäerz 2019 verloossen. Ob a wa jo wéini et ee Brexit-Accord gëtt, ass fir de Moment nach ëmmer net gewosst.

Serge Kesseler / cz

Jean-Claude Juncker EU-Sommet 18 Okt 2018
Den EU-Kommissionspresident Jean-Claude Juncker um EU-Sommet (Photo : Serge Kesseler)

"Mir brauche vill méi Zäit", esou de Michel Barnier, deen d'Verhandlunge fir d'EU féiert.

Hie wier elo méi optimistesch, wéi d'lescht Woch, esou sengersäits den EU-Kommissiounspresident Jean-Claude Juncker gëschter Owend. Et géif sech ofzeechnen, datt et fir Groussbritannien nom Brexit eng méi laang Iwwergangsperiod kéint ginn.

Groussbritannien géif an engem Deel vum Bannemaart an an der ganzer Zollunioun bleiwen, mee kéint u kengen Decisioune méi Deel huelen, sou de Jean-Claude Juncker. "Dat ass eigentlech keng avantagéis Léisung fir England. Mee d'Liewen ass, wéi et ass: Brexit means Brexit." Een Haapt-Knackpunkt bei de Verhandlunge fir d'Zäit no dëser Iwwergangsperiod bleift d'Grenzfro tëschent Irland an Nordirland. "Mee ech leeë grousse Wäert drop, datt mer déi iresch Fro gekläert hunn, éier mer den Divorce-Vertrag unhuelen", seet de Kommissiounspresident.

Bettel: "London muss Entscheedungen treffen"

Wéinst dëser Grenz-Fro kéint een net acceptéieren, datt den europäesche Bannemaart laangfristeg futti gemaach géif ginn, esou de Premier Xavier Bettel. "Den 29. Mäerz si se dobaussen. Mir brauchen een Accord virdrun. An dat ass just méiglech, wa mir an den nächste Wochen a Méint seriö weider ze kommen. Et sinn zwou Froen, déi ze kläre sinn. Virun allem London muss Entscheedungen treffen." Déi britesch Regierungscheffin May huet gëschter zu Bréissel gesot, datt ee Brexit-Deal méiglech wier. Elo wier d'Zäit fir en ze finaliséieren.

Momentan kee Spezial-Sommet geplangt

Een EU-Spezialsommet am November wéinst dem Brexit ass fir de Moment awer net geplangt. Wann et genuch Fortschrëtter géife ginn, da géif e sech awer treffen, esou de Lëtzebuerger Premier. Eigentlech war geplangt, datt d'Verhandlunge schonn elo, Mëtt Oktober hätte solle fäerdeg sinn.

Zu Bréissel ass haut Donneschdeg d'Suite vum EU-Sommet. Theme si virun allem d'Asyl-Politik, d'Sécherheet an d'Reform vun der Euro-Zone.

Méi zum Thema

Pro-Brexit Supporter
Brexit

Le Royaume-Uni semble toujours livrer une bataille interne entre pro et anti Brexit. A moins de six mois avant le retrait officiel du Royaume-Uni de l'Union Européenne, rien n'est encore décidé.

Chamber
Brexitverhandlungen

D'Deputéiert si besuergt, datt eventuell keen Accord iwwer e geregelten Austrëtt vu Groussbritannien aus der EU kéint fonnt ginn. D'Regierung ass awer zouversiichtlech, och fir de Fall vun engem "no deal".

Europarlament debattéiert iwwert Brexit
Europaparlament

D'Europaparlament ass zefridde mat deem, wat bis elo an de Brexit-Verhandlunge festgehale gouf. D'EU konnt sech duerchsetzen, sou d'Analys vum Parlament. Et bleiwen awer nach vill Detailer ze klären.

David Davis a Michel Barnier bei Brexit-Verhandlungen
Brexit

Et gëtt nach ëmmer keng konkret Resultater bei de Brexit-Verhandlungen. De Moment vun der Wourecht wier elo do, sot de Michel Barnier, dee fir d'EU mat Groussbritannien negociéiert.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen