Douanesgewerkschaft "Mir mussen eis un een Dësch setzen"

Op der Douane ginn et déiselwecht Problemer mat den neien Aarbechtszäitreegelungen an den Zäitspuerkonte wéi bei der Police, seet d'Presidentin vun der Douanesgewerkschaft Lynn Luciani. Och d'Douanieren assuréiere Permanencen a kënnen heiansdo déi maximal zéng Aarbechtsstonnen den Dag net respektéieren.

Maurice Molitor / cbi

Lynn Luciani
D'Lynn Luciani ass Presidentin vun der Douanesgewerkschaft

Ee Grond wier de Personalmangel, deen et bei der Douane gëtt. "An zweetens muss een och soen: wann e Beamte bis eng Prozedur ugefaangen huet, ass et ëmmer schwéier se ze stoppen", esou d'Presidentin vun der Douanesgewerkschaft.

Dofir verlaangt hir Gewerkschaft elo eng ähnlech Léisung wéi déi, déi fir d'Police fonnt gouf. "Et ass eng gutt Basis, déi do ausgeschafft gouf. An ech mengen, datt mir eis och do mussen un een Dësch setzen, fir esou en Accord ze fanne fir dat ze reegelen.", seet d'Lynn Luciani. Si fuerdert och, datt bei der Douane erëm méi Leit agestallt ginn:

"Mir hate virun enger Partie Joren eng Reduktioun vum Effectif, a mir sinn der Meenung, datt mir definitiv nees mussen erhéijen. Fir eis ass et, als Gewerkschaft, schwéier anzeschätze wéi vill Leit dat da wierklech musse sinn. Mee et muss definitiv eng Erhéijung vum Effektiv ginn."

Niddereg Carrière erëm opwäerten

D'Dounesgewerkschaft fuerdert, datt déi niddregst Carrière bei der Douane opgewäert gëtt. Hautdesdaags bräicht een op d'mannst fënnef Joer Lycée fir kennen Douanier ze ginn, seet d'Lynn Luciani. An der Salairesgrille géif dat awer net entspriechend honoréiert ginn.

Och d'Méiglechkeet fir an eng méi héich Carrière ze wiesselen, wier a verschiddene Fäll net ginn. Soss hätt all Beamte kënnen en Examen maache fir d'Carrière ze wiesselen. Haut wier et awer esou, "datt dat just nach mam Wëlle vun der Direktioun geschéie kann. Dat heescht, et gi just nach eng Partie Leit erausgesicht, déi dee Wee do kënne maachen."

Uspriechpartner an der Regierung ass de Finanzminister, deem d'Douanesverwaltung ënnersteet. D'Douanesgewerkschaft huet knapp 600 Memberen.

An der Mediathéik:

Invité vum Dag / / radio 100,7
Lauschteren

Méi zum Thema

Philippe Schrantz
Reaktioun op d'Kritik vun der Policegewerkschaft

Op der Generalversammlung vun der SNPGL gouf et Kritik un der Policereform, der Aarbechtszäitreegelung an den Zäitspuerkonten. De Policegeneraldirekter Philippe Schrantz reagéiert op d'Kritiken.

Pascal Ricquier
Carrièrë bei der Police

D'Polizisten aus der ënneschter Carrière beim Staat missten alleguer an déi nei geschafe Carrière Moyenne B1 reklasséiert ginn. Dat fuerdert de President vun der Policegewerkschaft Pascal Ricquier.

Programm

  • Resonanzen

  • On air

    Spektrum

  • Ënnerwee

  • Noriichten

  • Papperlapop

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen