Google Datazenter Momentan keng gemeinsam Positioun

"Wann et net sou geet, wéi mir eis dat virstellen, da gëtt et schwéier fir de Projet Google Datazenter duerchzekréien." Dat sot de Bisser Gemengeconseiller vun Är Leit, David Viaggi. Hien dierft viraussiichtlech neie Buergermeeschter vu Biisse ginn.

Françoise Keller (Interview) / Claude Biver (Web)

David Viaggi
Den David Viaggi gëtt viraussiichtlech den neie Buergermeeschter zu Biissen

Seng Equipe wëllt eng Koalitioun mat der fréierer CSV-Conseillère Cindy Barros agoen. Obwuel dat nëmmen eng knapp Majoritéit vu 6 zu 11 Gemengeréit ass, géif se dem David Viaggi no net op wackelege Féiss stoen.

Är Leit wéilten de Projet net blockéieren, mee an den zukünftegen Diskussioune ronderëm de PAP "relativ vill fuerderen". Et géif den Ament mat der Cindy Barros awer nach keng gemeinsam Positioun ginn, esou nach den David Viaggi. Hie géif awer dovun ausgoen, datt ee mat hir ee Wee géif fannen. D'Cindy Barros hat beim zweete Vott fir d'Ëmklasséiere vum Terrain fir de geplangten Data Zenter am PAG mat "nee" gestëmmt.

An der Mediathéik:

Invité vum Dag / / radio 100,7
Lauschteren

Méi zum Thema

Biissen
Biissen

No den Demissioune vun den zwee CSV-Schäffen a vum Ex-CSV-Buergermeeschter ginn d'Kaarten elo nei gemëscht. De Jos Schummer hätt awer u sech nach gär gehollef an enger exekutiver Funktioun.

Jos Schummer
Gemeng Biissen

De Bisser Buergermeeschter Jos Schummer huet demissionéiert. Hien hätt dat gemaach, well hie sech géint Falschmeldungen an Aussoe wéilt wieren, awer net géint seng Wieder wéilt goen.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen