Impakt op d'Ëmwelt Nach keng Decisioun iwwer Steewollfabrick

Et muss gepréift ginn, wéi een Impakt déi geplangte Steewollfabrick zu Suessem op d'Ëmwelt huet. Dat geet aus der Äntwert op eng parlamentaresch Fro ervir. Eréischt duerno géif eng Decisioun geholl ginn.

Betty Gillen / ys

Steewoll
Foto: Bigstock / Artursfoto

Et kéint een den Ament nach net soen, wéini eng Decisioun iwwer déi geplangte Steewollfabrick zu Suessem fält. Dat geet aus enger Äntwert vun de Ministere François Bausch, Carole Dieschbourg an Etienne Schneider op eng Question parlementaire vum ADR-Deputéierte Fernand Kartheiser ervir.

Eréischt wann d'Evaluatioun iwwer den Impakt op d'Ëmwelt ofgeschloss ass, kéint d'Kommodo-Prozedur ulafen, heescht et an der Äntwert. Mam Kommodo-Inkommodo-Gesetz soll ënner anerem eng potentiell Pollutioun duerch Betriber verhënnert ginn. Eng Demande fir eng Geneemegung no dësem Gesetz wier de 27. Dezember eragereecht ginn.

Emissioune vun der Fabrick

Den Ëmweltminister kéint ëmmer nach fuerderen, datt den Impakt duerch eng Upassung vum Projet reduzéiert gëtt, wann de Betrib d'Grenzwäerter zwar géif anhalen, d'Aktivitéit duerch Emissiounen oder duerch d'Gréisst vum Betrib awer en nationalen Impakt hätt.

D'Ministere betounen, datt dës Fabrick kéint zu Problemer féieren, wat d'europäesch Loftqualitéitsziler ugeet. Virun allem am Beräich vun de Schwiefeloxider a vum Ammoniak.

Och den CO2-Ausstouss vun der Steewollfabrick wier problematesch, well en um Verbrenne vu Steekuel baséiert. Dat géif géint d'Engagementer vum Paräisser Klimaofkommes goen.

An der Äntwert heescht et och, déi geplangte Steewollfabrick géif en Investissement vun iwwer 100 Milliounen Euro bei 100 Aarbechtsplazen duerstellen. De gréissten Deel vun der Produktioun géif an dat not Ausland goen, dat wier also gutt fir d'Aussenhandelsbilanz.

Méi zum Thema

Steewoll
Industrie

D'Firma Knauf gëtt d'Iddi vun enger Steewollfabréck zu Lëtzebuerg net op. Trotz Kritike vu Politiker an Ëmweltschützer. De Grupp huet eng Lëtzebuerger Sàrl gegrënnt, déi de Projet virundreiwe soll.

Georges Engel a Roberto Traversini
Keng Steewoll a keng weider Deponien

D'Gemenge Suessem an Déifferdeng fuerderen d'Regierung op, keng Steewollfabrik a keng Deponien op hirem Territoire ze genehmegen. D'Projete wieren net ëmweltfrëndlech an net am Interêt vun der Populatioun.

Etienne Schneider
Invité vum Dag

Den Etienne Schneider trëtt bei de Chamberwahlen un, fir Premier ze ginn. Divergenzen tëscht de Koalitiounspartner fënnt hien net problematesch. D'Parteie wieren net fusionéiert beim Koalitiounsaccord.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen