Corona-Pandemie Nei Mesuren an der Schoul: eng Woch doheem

Virun der Press huet de Claude Meisch de Moien d'Efforten, déi vun allem am Educatiounsberäich an de leschte Méint geleescht goufen, begréisst. Trotz allem wier een awer un d'Limite komm, wat d'Gerance vum Contact-Tracing, den Ordonnancen an dem Testen an de Schoule bei bal 800 Neiinfektioune pro Woch ugeet.

Tessy Troes

(de g. à dr.) Paulette Lenert, ministre de la Santé ; Claude Meisch, ministre de l’Éducation nationale, de l’Enfance et de la Jeunesse
Den Educatiounsminister Claude Meisch. Foto: SIP (Archiv)

D'Schoulwoch vum 4. bis den 8. Januar soll komplett digital stattfannen, och an de Kompetenzzenteren, der Erwuessebildung an am Enseignement musical.

An de Grondschoule soll d'Matière vum éischten Trimester widderholl ginn.
Am Lycée soll Stonn fir Stonn ee Cours gestreamt ginn, mee keng Prüfunge gemaach ginn. D'Semester vun de Premièrë gëtt dowéinst ëm eng Woch verlängert. Eng eventuell Upassung vum Schoulprogramm wollt de Minister net ausschléissen.

Well d'Kannerbetreiung fir zwou Wochen zou ass, dierfen d'Eltere wéi am Fréijoer erëm de Congé pour raisons familiales ufroen, dat falls si Kanner ënner 13 Joer hunn.

Nom 10. Januar soll een "esou sécher wéi méiglech" zeréck an d'Schoul, esou den Educatiounsminister. All d'Schüler tëschent 4 an 19 Joer sollen an deenen nächsten Deeg eng Invitatioun fir een Test am Kader vum Large-Scale-Testing kréien. Och d'Schoulpersonal soll sech dierfen teste loossen.

An de Schoule gi CO2-Messgeräter installéiert. Et misst elo och gekuckt ginn, op d'Schoulpersonal an enger zweeter Phas kéint geimpft ginn.

D'Hotline fir de psychologesche Support gëtt vun der Cepas um 8003 9393 assuréiert. Doriwwer eraus gëtt et och eng pedagogesch Hotline um 8003 9090.

Méi zum Thema

Paulette Lenert a Xavier Bettel
Corona-Pandemie

Fir d'Spideeler ze entlaaschten, huet d'Regierung nei Mesuren decidéiert. Net-essentiell Geschäfter musse vum 26. Dezember bis den 10. Januar zoumaachen. De Couvre-feu soll scho vun 21 Auer u gëllen.

Corona-Test bei Kanner
Corona-Tester

Bei den Ordonnancë fir Covid-Tester fir Schüler an Enseignante kéint et nach ëmmer zu Retarde kommen. Et wieren awer scho vill Verbesserunge ginn, seet de Gilles Dahmen vun der Tracing cellule.

Net verpassen

Dossieren

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen