Och den Equipement vun de Police-Büroe soll iwwerschafft ginn. Fir de komplette Rebranding, mat derbäi engem neien Internet-Site fir d'Police, ass e Budget vun enger Millioun Euro virgesinn. Weider Detailer iwwert de sougenannte Rebranding vun der Police solle méi spéit presentéiert ginn.
Am Ufank vum Joer hat d'Police d'Ausschreiwung lancéiert. Ronn eng Dosen Dossiere goufen agereecht.
Den Design-Studio Quattro, deen den Zouschlag kritt huet, huet säi Sëtz um Boulevard Grande-Duchesse Charlotte an der Stad. De Studio huet 15 Joer Erfahrung. Ënnert de Referenz-Cliente si Marke wéi Alessi, BMW, Ferrero, Nestlé an d'Stad Lëtzebuerg.