EU-Dateschutzreglement "Net all Betrib brauch een Dateschutzbeoptraagten"

Et gi vill falsch Informatiounen iwwert d'EU-Dateschutzgesetz verbreed, seet de Peter Schaar. Den däitschen Dateschutzexpert kritiséiert, datt Servicer, déi bis elo keng Zoustëmmung fir d'Notze vun Donnéeën haten, dat elo versichen ze kréien.

Pia Oppel / fk

Peter Schaar
Dateschutzexpert Peter Schaar (©Peter Schaar)
Déi meescht Leit ginn nämlech op déi nei Dateschutzregelen opmierksam, well se masseweis E-Maile vu verschiddenen Déngschter kréien. Hei gëtt een opgefuerdert, zouzestëmmen, datt engem seng Donnéeën weiderhin dierfe genotzt ginn.

Masseweis E-Mailen net néideg

Dacks wier dat guer net néideg, well d'Leit schonn an der Vergaangenheet eng Kéier zougestëmmt haten, esou den däitschen Dateschutzexpert Peter Schaar.
"Wann d'Entreprise op Nummer sécher wëll goen a seet si wéilt eng nei Zoustëmmung kréien, dann ass dat grondsätzlech awer an der Rei. Wat a mengen Aen ee grousse Problem ass, ass datt deelweis E-Mailen u Leit verschéckt ginn, déi bis elo guer keng Zoustëmmung ginn hunn. Déi am Fong geholl och guer näischt dovu woussten, datt si op iergendwelleche Lëschte sinn. An déi elo vläicht tentéiert kéinte sinn, fir eng Zoustëmmung ze ginn ouni grouss nozedenken."
Wien elo op "zoustëmme" géif klicken, sollt nach eng Kéier iwwerpréiwen ob de viséierte Service een ass, deen een och wierklech braucht, mengt de Peter Schaar.

Desinformatioun

Dem däitschen Expert no géife vill falsch Informatiounen iwwert dat neit europäescht Dateschutzgesetz verbreet ginn. Zum Beispill géif et net stëmmen, datt all Dokter a sengem Cabinet een Dateschutzbeoptraagte misst hunn. Nëmmen déi, bei deenen "dat ëmfaassend Beobachte vu ville Mënschen de Kär vun hirem Geschäftsmodell" ausmécht, bräichten esou ee Beoptraagten, seet de Peter Schaar.

Och d'Behaaptung, datt een engem eng Dateschutzerklärung misst ginn, wann een eng Visitekaart entgéint hëlt wier net richteg. Et géifen allerdéngs eng ganz Parti esou falsch Informatioune ginn. "A wien do probéiert säi Geschäft drop opzebauen, deen agéiert net serieux".

Widderspréch

D'Dateschutzgesetzer fir d'Entreprisë gi verschäerft, mee d'Staate selwer versichen hir Bierger Online ëmmer méi z'iwwerwaachen. Dat wier ee Widdersproch, seet den däitschen Dateschutzexpert. D'Verschäerfung vun de Sécherheetsgesetzer an den EU-Memberstaaten wier dacks eng reng symbolesch Mesüre. Et wier net erwisen, datt méi Iwwerwaachung bei der Bekämpfung vun Terrorismus a schwéirer Kriminalitéit hëlleft.

Och d'EU géif ëmmer nees Gesetzer proposéieren, déi ze wäit an d'Privatsphär vun de Bierger agräifen. De Peter Schaar nennt ënnert anerem d'Vorratsdatespäichere vun Telekommunikatiounsdonnéeën an d'Späichere vun den Donnéeë vu Fluchpassagéier. Zum Gléck géif et déi europäesch Grondrechtscharta ginn, opgrond vun där d'Geriichter iwwerdriwwe Gesetzer kënne kippen.


De Peter Schaar war tëscht 2003 an 2013 Bundesdateschutzbeoptraagten an Däitschland. Haut ass hien ënnert anerem President vun der Europäescher Akademie fir Informatiounsfräiheet an Dateschutz. An de leschte Joren huet hien eng Rei Bicher zum Thema Dateschutz a publizéiert.

An der Mediathéik:

Invité vum Dag / / Pia Oppel
Lauschteren

Méi zum Thema

Pia Oppel Kommentar
Dateschutz

Sozial Netzwierker oder Sichmaschinne kann een als essentiell Servicer gesinn, déi zu Monopoler tendéieren. Eng méi strikt ëffentlech Kontroll kéint d'Äntwert sinn, mengt d'Pia Oppel.

Themschwéierpunkt Dossier Dateschutz

De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Gdpr - General Data Protection Regulation. Gdpr Compliance Symbol. Vector Illustration
Réglementation générale sur la protection des données

Un marché de l'expertise s'est crée autour de la nouvelle réglementation sur la protection des données, qui entre en vigueur vendredi 25 mai. Résultat, le secteur connaît un boom avec de nombreuses dérives.

Pia Oppel Kommentar
Dateschutz

D'Auditioun vum Facebook-Chef am Europaparlament ass elo awer ëffentlech. De Sträit doriwwer weist, datt Transparenz keen neutraalt Ideal, mee ee Muechtinstrument ass, mengt d'Pia Oppel.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • radio 100,7: Changement à la tête de la rédaction musicale

    M. Yves Stephany a été nommé à la tête de la rédaction musicale de la radio de service public radio 100,7. M. Stephany, 37 ans, y prend la relève de M. Fred Medernach qui a fait valoir ses droits à la retraite.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen