Soziales a Solidaritéit OGBL: REVIS muss erhéicht ginn

Haut gëtt an der Chamber iwwer d'Reform vum RMG ofgestëmmt, deen duerch de REVIS, de Revenu d'inclusion sociale ersat gëtt. Datt den RMG en neien Numm kritt, wier net wichteg. D'Montante vum REVIS missten allgemeng ugepasst ginn; och un d'Entwécklung vum Mindestloun.

Mick Entringer / cz

Nora Back
Nora Back

"Zanter 2011 ass den RMG net erhéicht ginn. Dat ass eng Situatioun, déi einfach net kann esou bleiwen", seet d'Nora Back. Et misst séchergestallt ginn, datt de REVIS sech weider no uewen entwéckelt.

Ëm wéi vill de REVIS soll gehéicht ginn, seet d'Nora Back net.

10.000 Stéit am Land hu bis elo den RMG kritt. Ronn 9.000 dovun als Complement zu hirem Akommes, well et soss um Enn vum Mount net duer geet. Fir den OGBL misst dat Gesetz nogebessert ginn, seet d'Generalsekretärin vum OGBL, d'Nora Back.

"OGBL ass net d'Gewerkschaft vun de Besserverdénger"

An Zukunft wéilt den OGBL och déi Leit méi ënnerstëtzen, déi an der Schäi-Selbststännegkeet schaffen, an déi keng fest Aarbechtskontrakter hunn, seet d'OGBL-Generalsekretärin. Et wier och net esou, datt den OGBL d'Gewerkschaft vun de Besserverdénger wär. D'Gewerkschaft wier mat 15 Beruffssyndikater an alle wirtschaftleche Secteuren opgestallt - och am Niddreglounsecteur.

Perséinleche Parcours vun der Nora Back

D'lescht Woch war d'Nora Back op den zweethéchste Posten an der OGBL-Hierarchie gewielt ginn. Et wier kee Posten, op deen ee sech am "hierkëmmleche Sënn" géif mellen, mee de Posten hätt sech entwéckelt. Den OGBL hätt laang Zäit guer kee Generalsekretär gehat. De Poste misst, den OGBL-Statutten no, och net besat ginn. "D'Logik ergëtt, datt de Generalsekretär d'Relève vum President vum OGBL hellt. Also gëtt et kee Sënn, datt et schonn e Generalsekretär gëtt, wann de President eréischt ufänkt a senger Mandatsperiod", sou d'Nora Back.

Den André Roeltgen kandidéiert am Dezember nach emol fir seng Successioun als Gewerkschaftspresident.

D'Nora Back wäert no de Sozialwahlen am Mäerz d'nächst Joer an d'Mandat vum Generalsekretär eraklammen, bis dohinner wëllt déi nei Generalsekretärin vum OGBL weiderhin de Syndikat Gesondheet a Sozialwiese féieren. D'lescht Woch war déi geléiert Aarbechtspsychologin op den zweethéchste Posten an der OGBL-Hierarchie gewielt ginn. Si geet dervun aus, datt si an de nächste Joren d'Successioun vum André Roeltgen als Presidentin vum OGBL iwwerhëlt.

OGBL mécht Analys vu Parteiprogrammer

Den OGBL mécht keng Wahlrecommandatioun fir d'Chamberwahlen, seet d'Nora Back. D'Generalsekretärin vum onofhängege Gewerkschaftsbond kritiséiert, datt nach ëmmer keng Wahlprogrammer virleien. Fir d'Rentrée wëllt den OGBL eng Analys dovu presentéieren.

An der Mediathéik:

Invité vum Dag / / Mick Entringer
Lauschteren

Méi zum Thema

RER
Bankesecteur

A "Riicht Eraus" iwwert de Bankesecteur huet den ABBL-Direkter Serge de Cillia den OGBL schaarf kritiséiert. D'Gewerkschaft géif mat "Methoden aus den 80er Jore" schaffen.

André Roeltgen
André Roeltgen

Den Onofhängege Gewerkschaftsbond gëtt sech nei Statuten a Strukturen. Duerch d’Gewerkschaftszersplitterung geet vill Energie verluer, seet den OGBL-President André Roeltgen.

D'Enseignantsgewerkschaft ënnerstëtzt d'Mobiliséierung vun de Proffekomiteeën an de Lycée'e, hält awer weider un der Intersyndicale fest. En Interview mam Jules Barthel vum SEW.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • radio 100,7: Changement à la tête de la rédaction musicale

    M. Yves Stephany a été nommé à la tête de la rédaction musicale de la radio de service public radio 100,7. M. Stephany, 37 ans, y prend la relève de M. Fred Medernach qui a fait valoir ses droits à la retraite.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen