Lëtzebuerg entdecken Op de Spure vun Europa

De Begrëff Schengen ass a ganz Europa an och doriwwer eraus bekannt. Och wa vill Leit net onbedéngt wëssen, wou den Numm hierkënnt. De Pit Walté war an der Serie Lëtzebuerg entdecken an d'Duerf Schengen op der Musel kucken.

Pit Walté / cz

LE EU 3

De 14. Juni 1985 gouf op der Princesse Marie-Astrid de Schengen-Accord vu Vertrieder vun de Benelux-Länner, sou wéi Däitschland a Frankräich ënnerschriwwen. Fir Lëtzebuerg war dat den LSAP-Politiker Robert Goebbels. An datt dat zu Schengen geschitt ass, hat och seng Grënn. "D'Decisioun ass op Schenge gefall, well Schengen ass de Punkt, op deem d'Benelux-Staaten eng gemeinsam Grenz mat Däitschland a Frankräich hunn." Dat seet de Kim Dumont vun der Schengen Asbl, déi den Europa Musée zu Schenge bedreiwen, do wou een d'Hannergrënn vun dësem historeschen Ofkommes kritt. Eigentlech sollt den Accord am Schlass zu Schengen ënnerschriwwe ginn. Well dat dee Moment awer restauréiert gouf, huet een et um Schëff gemaach. Haut si 26 Staate Member vum Schengen-Raum an d'Bierger kënne sech fräi iwwer d'Grenze beweegen. A vill Leit wësse guer net, wou deen Numm Schengen genee hierkënnt."

Och vill vun den auslänneschen Touristen déi net am Schengen-Raum liewen, géife verstoen, wat dat am Alldag bedeit. "Ech denke schonn, datt si dowéinst bei eis kommen, well ganz vill vun hinne reesen och mat engem Schengen-Visum. Dat heescht si si sech scho bewosst, datt hinnen dat erméiglecht einfach iwwer d'Grenze vu 26 Länner ze reesen, ouni gréisser Formalitéiten."

Mee natierlech grad fir d'Europäer wier et eng besonnesch Plaz, seet de Kim Dumont.

"Fir d'éischt probéiere si ëmmer sech selwer ze fannen. Dat heescht, mir hunn d'Fändelen hei vun de 26 Memberstaaten, mir hunn och fir all Staat e Stär op engem Monument. An ech denken, dat ass fir si da scho bedeitungsvoll op déi Plaz ze kommen an ze wëssen, hei ass den Ufank vun eiser fräier Beweegung an Europa."

A wa si dann zu Schengen an den Europa Musée kommen, kréie si da vill Informatioune ronderëm de Schengen-Accord. Wie Loscht huet, ka sech als Grupp och e Guide dobäi buchen, mat deem mécht een dann net nëmmen d'Visite vum Musée, mee et mécht een och en Tour duerch Schengen a bei de verschiddene Monumenter kritt een dann Anekdoten an Explikatiounen.

E Besuch am Europa Musée kann een och nach mat enger klenger Wanderung an engem vun den Naturreservater ronderëm Schenge verbannen. Zum Beispill kann ee sech am Haff Réimech d'Weiere mam Biodiversum ukucken.

An der Mediathéik:

Lëtzebuerg entdecken / / Pit Walté
Lauschteren

Méi zum Thema

Didactic Trail
Lëtzebuerg entdecken

De Biergbau ass am Süden net nëmmen Thema an de verschiddene Muséeën, mee och wann een duerch d'Natur geet, ass en nach iwwerall present. De Pit Walté war op der Plaz.

Camping Ettelbruck
Lëtzebuerg entdecken

Zu Ettelbréck gëtt den Trend bestätegt, datt ëmmer méi Lëtzebuerger hire Wee nees op heemesch Campinge fannen. Et huet een eng wonnerbar Vue, mee et ginn och praktesch Grënn, firwat de Camping beléift ass.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen