P. Schrantz: Net alles schlecht bei der Police

20150305-schrantz-1005026-1024x682.jpg

Och wann hien de Corps wéilt reforméieren, wär am Moment net alles schlecht bei der lëtzebuerger Police. Dat sot de Moien de neie Generaldirekter vun der Police, Philippe Schrantz, Invité vum Dag hei um 100,7. Et misst een intern an extern Auditen ofwaarde fir ze wësse wou genau misst ëmstrukturéiert ginn. D’Iddee fir d’Police judiciaire an Zukunft direkt dem Parquet z’ënnerstelle gesäit de neie Generaldirekter méi skeptesch. An engem klenge Land misst een sech iwwerleeën ob et Sënn mécht nees zwee separat Corpsen ze hunn. D’Gewaltentrennung an de Flux vun Informatioune kéinten dorënner leiden. De Fait dass weiderhi vill potentiell Rekrutten d’Formatioun vun zwee Joer ofbrieche misst serieux analyséiert ginn, esou de Phillippe Schrantz. Dramatesch wär dëse Problem beim Recrutement awer nach net.

De ganzen Interview mam Philippe Schrantz um Mikro vum Gilles Wünsch:

Programm

  • Resonanzen

  • On air

    Spektrum

  • Ënnerwee

  • Noriichten

  • Trendscheif

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen