Pensionéierung Colonel Ries net verfassungskonform

D’Pensionéierung vum Colonel Nico Ries, sou wéi se am Juli 2011 vum deemolege Verdeedegungsminister Jean-Marie Halsdorf decidéiert gouf, verstéisst géint d’Verfassung. Dat geet aus engem Arrêt vum Verfassungsgeriicht vum 29. November ervir. De Gesetzes-Artikel, deen d’Pensioun’e vu Staatsbeamte regelt an op dee sech an deem heite Fall beruff gouf, ass net conforme mat der Verfassung, heescht et am Text vum Arrêt, dee nach net am Mémorial publizéiert ass mee dem Radio 100,7 virläit. Elo muss d’Verwaltungsgeriicht entscheeden, ob deen Artikel inapplicabel ass, an deemno d’Pensionéierung vum Colonel Ries muss annuléiert ginn. Den deemolege Chef d’Etat-Major Nico Ries gouf Enn 2007 vum Verdeedegungsminister Jean-Louis Schiltz als Planificateur an de Verdeedegungsministère versat. Well hie ni ee valabele Gronn fir seng Versetzung kritt hätt an aus Protest géint dat wat hien als Muechtmëssbrauch vu Politiker ugesait, wiert sech de Colonel Ries zënter deem juristesch géint di sëllech Regierungs-Decisiounen.

De Bäitrag vum Michel Delage

[audio mp3="http://www.100komma7.lu/emissions/wp-content/uploads/MD-Ries.mp3"]

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Net verpassen

  • Riicht eraus: Wéi eng Press(ehëllef) fir Lëtzebuerg?

    Riicht eraus

    Am Joer 2020 eng Zeitung erauszebréngen ass net einfach. Déi geschriwwe Press ass wéinst dem Internet an neie Gewunnechte vun de Lieser a Lieserinne mat enger Baisse vun de Verkafszuele a vum Ëmsaz konfrontéiert.

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen