Verfassungsreform Politesch Duebelmandater: CSV positionéiert sech am Hierscht

De President vun de chrëschtlech-soziale Gemengeréit Claude Clemes hofft, datt d'CSV-Positioun a Saache geplangte Reform vum Wahlgesetz am spéiden Hierscht dëst Joer virläit. Op enger CSG-Reunioun den Dënschdeg den Owend zu Stroossen war de Startpunkt vun der Reflexioun iwwer d'Froen, déi de Premier Xavier Bettel a sengem Bréif vum Februar dëst Joer gestallt hat, esou den CSG-President Claude Clemes.

Serge Kesseler / cz

Claude Clemes
De Claude Clemes ass President vun de chrëschtlech-soziale Gemengeréit

Den CSG-President a Member vum Gemengerot vu Monnerech erënnert un den CSV-Virschlag am Programm fir d'Chamberwahlen, fir e professionelle Buergermeeschter. An dës Richtung kéint et also goen, sou de Claude Clemes. Engem professionellen, haaptberuffleche Buergermeeschter kéint ee professionellen Deputéierte géintiwwer stoen, seet de President vun de chrëschtlech-soziale Gemengeréit.

Méi Zäit fir d'Deputéiert wier positiv, ënnersträicht de Claude Clemes, si missten dee Moment awer och vu Mataarbechter ënnerstëtzt ginn. Lëtzebuerg wier, wat dee Volet ugeet, momentan nach "an de Kannerschong".

An der CSV ginn et nach intern Widderstänn

Wann ee professionell Buergermeeschtere géif aféieren, géif dat fir si méi Zäit bedeiten, an och eng deementspriechend Entschiedegung, esou den CSG-President. Bei der CSV wier awer net jiddwereen - virun allem Député-Mairen - vun der Iddi vun engem eventuellen Opgi vum Mandater-Cumul begeeschtert.

Hannergrond

Hannergrond vun der Debatt ass e Bréif vum Premier Xavier Bettel en vue vun enger Reform vum Wahlgesetz, op deen d'Parteie bis den éischte Juli hir Positioun - ënner anerem zu den duebele politesche Mandater - sollte matdeelen. D'LSAP schwätzt sech an hirer Äntwert op dëse Bréif géint politesch Duebelmandater a fir Vollzäitdeputéiert aus.

DP, déi Lénk an ADR hu sech nach net positionéiert

déi gréng si grondsätzlech fir en eenzege Wahlbezierk a géint duebel politesch Mandater, seet d'Fraktiounscheffin Josée Lorschée. Wéi dat genee soll ëmgesat ginn, misst awer nach analyséiert ginn.

Den CSV-President Frank Engel hat schonn ugekënnegt, datt déi gréisst Oppositiounspartei fuerdert, datt d'Bierger an engem Referendum eng Rei präzis Froe gestallt kréien, zum Beispill iwwer d'Wahlbezierker oder d'duebel Mandater.

D'DP huet sech nach net ëffentlech positionéiert, huet dat awer wëlles, genee wéi déi Lénk an d'ADR.

Méi zum Thema

Frank Engel
Debatt ëm d'Verfassungsreform

Déi rezent Diskussiounen iwwer eng eventuell Reform vum Wahlsystem géife weisen, datt d'Verfassungs-Debatt nach net ofgeschloss ass. Dat sot den CSV-President Frank Engel den Dënschdeg virun der Press.

Wahlbüro
Diskussiounen iwwer neit Wahlgesetz

Nieft der LSAP, schwätzen och déi gréng an d'Pirate sech fir een eenzege Wahlbezierk aus. Dat confirméieren déi zwou Parteien eis op Nofro hin. D'DP wëllt iwwerdeems nach keng Positioun bezéien.

Alex Bodry-3
Kontext Verfassungsreform

Hannergrond fir d'Fuerderung vun engem Wahlbezierk ass e Bréif vum Premierminister en vue vun enger Reform vum Wahlgesetz. D'Parteie sollten dem Xavier Bettel bis gëschter hir Positioun zu dësem an aneren Theme matdeelen.

Claude Wiseler
Verfassungsrevisioun

D'CSV wëllt d'Prozedur fir eng nei Verfassung begleeden an ënnerstëtzen, egal ob d'Partei no de Chamberwahlen an der Majoritéit oder an der Oppositioun ass. Dat seet de Spëtzekandidat Claude Wiseler.

Simone Beissel
Verfassungsrevisioun

Et géif si wonneren, wann d'DP vum Referendum iwwer déi geplangten nei Verfassung géif ofgesinn, seet d'Simone Beissel. D'Populatioun misst minimum sechs Méint am Virfeld informéiert ginn.

Bodry-Meyers
Verfassungsreform

Déi nei Verfassung wäert fréistens Mëtt 2020 a Kraaft trieden, mengt den LSAP-Deputéierten Alex Bodry. Den Nach-CSV-Verfassungspiecher Paul-Henri Meyers ass perséinlech géint de Referendum.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Suicidegefor am Alter: En Tabuthema

    Suicidegefor am Alter.png

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen