Telekommunikatioun Post: Gréisser Pann d'lescht Woch mam 4G-Reseau

D'Post hat de leschten Donneschdeg eng gréisser Pann mat hirem mobille 4G-Reseau. Et wier eng vun de gréisste Pannen an de leschte Joren am mobille Reseau gewiescht, seet de Cliff Konsbruck, Direkter vu Post Telecom, op eis Nofro hin. D'Ursaachenanalys wier nach net ofgeschloss. Et géif op Feeler bei engem techneschen Equipement hindeiten. Eng Cyberattack kéint ausgeschloss ginn.

Jean-Claude Franck / cz

Exklusiv post-Filial
Post-Filial / Foto: Archiv

D'Konsequenze ware fir d'Clienten a verschiddenen Etappe vun zéng Auer moies bis aacht Auer owes ze spieren. D'Post-Clienten hate Problemer mam mobillen Internet, deelweis konnte si och net méi telefonéieren, well den 2G- an den 3G-Reseau wéinst der Pann vum 4G-Reseau impaktéiert waren, seet de Cliff Konsbruck.

No verschiddenen Interventiounen iwwer déi lescht Deeg wier de Reseau elo nees 100 Prozent stabel.

Gléck am Ongléck war, datt d'Pann während dem Ufank vun der Summervakanz passéiert ass. D'Post hätt den Donneschdeg allgemeng manner Trafic gehat wéi zu Spëtzenzäiten. Soss wier den Impakt nach méi grouss gewiescht, esou d'Post.

D'Post ass de gréissten Telecom-Operateur zu Lëtzebuerg.


Interview mam Cliff Konsbruck:

Lauschteren

Méi zum Thema

Xavier Buck
Cyber-Attacken

Cyber-Attacken op Staatsservere wieren näischt Aussergewéinleches: Et misst och an Zukunft permanent mat esou Ugrëff gerechent ginn, esou de President vum Luxembourg ICT-Cluster Xavier Buck.

Server Raum
Cybersécherheet

No der Cyberattack sinn déi informatesch Infrastrukture beim Staat am Laf vum Dag erëm an der Normalitéit ukomm. Dat seet den Direkter vum CTIE, de Gilles Feith. Eng Krisenzell wier net aberuff ginn.

Accord Singapore Post a Post Group
Logistik

Lëtzebuerg gëtt eng Plattform fir e-Commerce Commanden aus Asien. Vum Accord tëscht der Post a Singapore Post soll och d'Cargolux profitéieren, seet den Etienne Schneider.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen