Freeport Poste vum President muss net besat ginn

Vun der Konscht bei d'Medikamenter - de Freeport Lëtzebuerg versicht ze diversifizéieren. Dat seet den Administrateur délégué Philippe Dauvergne, nodeems de President vum Verwaltungsrot, de Robert Goebbels, säi Mandat ofginn huet. Och de Philippe Dauvergne selwer bleift wuel net méi ganz laang. Bis Enn 2018 huet de Freeport ronn sechs Milliounen Euro Perten accumuléiert. D'Perte fir 2019 wier am nämmlechten Ordre de grandeur wéi an de Jore virdrun.

Michèle Sinner / cbi

Freeport
De Freeport vu bannen. Foto: Archiv

De Bäitrag vum Michèle Sinner lauschteren


Wéinst der sanitärer Kris ginn d'Konte fir 2019 eréischt ufanks Juli ugeholl, esou de Philippe Dauvergne am 100,7-Interview. Et hätt een d'Situatioun zwar e bësse verbessere kënnen, mee et wier nach kee "Break-even".

Poste muss net besat ginn

De Robert Goebbels seet op Nofro, datt d'Geschäfter vum Freeport sech wéinst de Reputatiounsproblemer vum Haaptaktionär Yves Bouvier net gutt entwéckelt hätten. D'Plainte vum russesche Milliardär Dmitry Rybolovlev géint den Yves Bouvier wéinst Bedruch bei der Vente vu Konschtwierker zu Monaco gouf d'lescht Joer am Dezember annuléiert. Wéinst där Affär hat de Robert Goebbels de Virsëtz vum Freeport iwwerholl.

De Philippe Dauvergne seet, dee Poste misst net onbedéngt besat ginn, soulaang et en Administrateur-delegué gëtt. Dat ass de Moment seng eege Roll, mee och de Philippe Dauvergne, bleift net méi laang. Wann d'Aktionären hie géife froen, kéint hien awer nach e puer Méint bleiwen.

Eng nei Strategie

De Freeport gouf mat der Iddi gebaut fir Konscht- a Luxusgidder ze stockéieren. Mee de Moment si just 55 Prozent vu de Fläche verlount, esou de Philippe Dauvergne. Dofir gouf un enger neier Strategie geschafft. D'Zil wier et fir een Drëttel vun de Säll fir Konschtwierker ze verlounen, een Drëttel fir Wäertsaachen ze sécheren, wéi zum Beispill Gold, an een Drëttel fir industriell Produiten.

Zu den Industrieproduiten zielt hien deier Medikamenter. Schonn d'lescht Joer wier ee mat ville Leit a Kontakt gewiescht wéinst deiere Medikamenter, an dat kéint e wichtege Secteur fir de Freeport ginn, esou de Philippe Dauvergne.

Méi zum Thema

freeport.jpg
Freeport

Wichteg Victoire fir den Haaptinvestisseur vum Lëtzebuerger Freeport am Justizsträit mat engem vu senge fréiere Clienten. Wäissgewäsch ass de Schwäizer Konschthändler domadder awer net.

freeport.JPG
Freeport Lëtzebuerg

De Freeport um Findel kritt mam fréieren LSAP-Minister fir d'zweet bannent engem Joer en neie President. Wéi d'Sich no engem Repreneur viru kënnt, wollt de Verwaltungsrot net präziséieren.

ouverture freeport.jpg Exklusiv
Wirtschaft

100,7-Informatiounen no lafe Gespréicher mat Acteuren aus der Branche vum Konschthandel, mee och aus anere Branchen. Fir d'Fräihandelszon um Findel soll doduerch e weideren Imageschued verhënnert ginn.

Programm

Net verpassen

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen