Avis Staatsrot iwwer Reform Staatsrot Presidentin warnt virun ze grousser Politiséierung

De Conseil d'Etat begréisst allgemeng de Gesetzprojet, mat deem des Institutioun soll reforméiert ginn. Eenzeg "opposition formelle": datt d'Regierung sech fir een dréngende "règlement grand-ducal" iwwert d'Geriichter soll kënnen ewech setzen. Iwwert d'Onofhängegkeet vum Staatsrot mécht sech seng Presidentin Viviane Ecker Suergen.

Michel Delage

Viviane Ecker
Viviane Ecker

De Staatsrot soll a senger Zesummesetzung dat politescht Kräfteverhältnis an der Chamber rëmspigelen, steet am Gesetzprojet iwwert d'Reform vum Conseil d'Etat. Deem seng Presidentin Viviane Ecker fënnt et zwar "richteg, datt all Parteie vertruede sinn". Gläichzäiteg misst een "oppassen, datt en net ze vill politiséiert" an doduerch méi ofhängeg vun de Parteie gëtt .

Dofir hätt de Staatsrot och Bedenke wann et drëms geet, nieft den Deliberatiounen, och d'Stëmmverhale vu senge Memberen iwwert déi sëllech Avise publik ze maachen. "Verschidde Leit kéinte mengen: Mee eis Partei wëll dat do net, also musse mer dogéint stëmmen", sou d'Viviane Ecker. Dofir hätt ee virgeschloen, am Fall vu Meenungsverschiddenheete bei engem Avis (an der Regel gi se eestëmmeg ugeholl) de Public driwwer z'informéieren, mat wéi vill Stëmmen den Text gutt geheescht gouf.

Fro vun Interessekonflikter géif sech manner stellen

Den Deontologiekodex, un dee sech d'Membere vum Staatsrot sollen halen, geséich an Zukunft Sanktioune bei ganz bestëmmten disziplinaresche Feeler vir, sot d'Viviane Ecker. Kritiséiert gouf dee "code de déontologie", dee sech de Staatsrot selwer ginn huet, well ugangs weder Strofe nach eng extern Kontroll virgesi waren. D'Fro vun eventuellen Interessekonflikter géif sech souwisou manner stellen, well am Staatsrot no senger Reform keng individuell Decisioune méi solle geholl ginn, sou seng Presidentin.

D'Viviane Ecker verséchert op Nofro, datt déi geplangte Steierreform vu kengem Conseiller wäert aviséiert ginn, dee selwer un der Ausschaffung vun der Reform bedeelegt war. De grénge Member vum Staatsrot Mike Mathias ass an deem Fall.

Dréngend Reglementer: geriichtlech Kontroll misst bleiwen

Am Avis vum Staatsrot iwwert d'Reform vum Staatsrot gëtt et eng eenzeg "opposition formelle", där d'Regierung muss Rechnung droe wa se sech een zweete Vote an der Chamber wëll spueren. De Conseil d''Etat stéiert sech drun, datt d'Regierung an Zukunft soll kënnen op eng geriichtlech Kontroll verzichten am Fall vu "règlements grand-ducaux urgents".

Fir des Zort vu groussherzogleche Reglementer ass d'Regierung net op den Avis vum Staatsrot ugewisen. "Mir sinn d'Avis, datt dat géint d'Verfassung verstéisst", sou d'Viviane Ecker.  

D'Viviane Ecker war Invité beim Mick Entringer:

An der Mediathéik:

Invité vum Dag / /
Lauschteren

Programm

Dossieren

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

  • #chamberleak

    Um Internetsite vun der Chamber waren eng ganz Partie intern a sensibel Dokumenter net adequat geséchert. Duerch d'Editéiere vu Weblinken konnten déi vertraulech Informatioune mat engem normale Webbrowser ofgeruff ginn.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen