Verdeierung vu Pëtrolsproduiten "Problem faktuell a global traitéieren"

D'Verdeierung vun de Pëtrolsproduiten hei am Land dréit net zur Verbesserung vum Klima bei." Domat reagéiert de President vum Groupement Pétrolier Luxembourgeois op déi annoncéiert Mesure vun der Regierung, déi eng Hausse vun den Taxen um Sprit virgesäit.

Maxi Pesch / cz

Romain Hoffmann
Romain Hoffmann (Foto: Archiv)

Zil vun der Regierung ass et d'CO2 Emissiounen hei am Land ze reduzéieren. Et géif awer net duer goen d'CO2-Emissioune just um Pabeier ze reduzéieren, mengt de Romain Hoffmann, President vum GPL. "Déi eenzeg, déi vläicht net méi hei tanke wann de Präis ze héich gëtt, dat sinn d'Camionneuren. Mee déi tanken dann an der Belsch." Dat géif awer näischt un der Quantitéit un CO2 änneren, déi ausgestouss géif ginn. "An och wann d'Frontalieren an Däitschland tanke ginn, dann hu mir fir d'Klima näischt gemaach, déi musse weiderhi fir hir Trajeten tanken."

De Geschiedegte wier am Endeffekt de Client hei am Land, deen net vum gratis ëffentlechen Transport kéint profitéieren an awer méi deier fir säi Sprit misst bezuelen. Dem President vum Groupement Pétrolier no misst de Problem éischter faktuell a global traitéiert ginn.

"International Léisunge sichen"

Lëtzebuerg kréich zum Beispill fir all de Stroum, deen d'Land importéiert keng CO2 Emissiounen ugerechent. Déi kréien déi Länner ugerechent, wou e produzéiert gëtt. Genee d'selwecht wier et beim Tanken. "Wann dann hei getankt gëtt, kréie mir déi CO2-Emissiounen ugerechent. D'Klima géif een net verbessert kréien andeems een d'Tanken an aner Länner verlagert, kritiséiert de Romain Hoffmann. "Zum Beispill andeems datt nei Motoren entwéckelt ginn, nei Technologien oder datt Kuelekraaftwierker vum Netz geholl ginn."

"Verdeierung vum Sprit kéint grouss Auswierkungen op Staatsfinanzen hunn"

D'Regierung misst sech och bewosst sinn, datt schonn eng kleng Verdeierung vun 1,2 oder 3 Cent de Liter eng grouss Auswierkung ob de Verkaf hei zu Lëtzebuerg, an domat och op d'Staatsfinanze kéint hunn. Mee och de Pëtrolssecteur zu Lëtzebuerg wier selwer vu méigleche Mesurë betraff. "Do schaffen 3.000 Leit, déi bedroht wieren. An do hänken nach aner Secteuren drun an och Investitiounen, déi mir hei zu Lëtzebuerg maachen an déi relativ grouss sinn."

Am Regierungsaccord ass virgesinn, datt en interministerielle Comité de ganze Prozess soll begleeden. E soll d'Auswierkunge vun deene Mesuren iwwerwaachen, déi Schrëtt fir Schrëtt decidéiert gi fir de Spritverkaf ze reduzéieren. Dës Initiativ begréisst de Romain Hoffmann.

Méi zum Thema

Mäerterter Hafen
Mäerterter Hafen

Wéinst dem niddrege Waasserstand vum Rhäin däerfe verschidde Schëffer net méi voll beluede ginn. Dat huet een Afloss op d'Wirtschaft an och op den Hafen zu Mäertert, seet de Luxport-Direkter.

Simone Beck Meenung
Fräie Mikro

D'amerikanesch Grenzbeamte hu vum US-President d'Erlaabnis kritt, den Elteren, déi hir Existenz an den USA wëllen opbauen, hir Kanner ewech ze huelen. D'USA ginn a wichtege Gebidder e rechtsfräie Raum.

Nicolas Schmit
Geplangten Tanklageren op der Musel

Déi zousätzlech Tanken, déi zu Mäertert geplangt waren, ginn net gebaut, seet den Aarbechtsminister Nicolas Schmit. Dat wier och mam Wirtschaftsminister Etienne Schneider ofgeschwat.

Cargolux Fliger
Aviatioun

Déi "alarmant Personalsituatioun" bei der Cargolux bréngt Gefore mat sech, seet den LCGB. Net alles wat gesetzlech méiglech ass, wier och sécher. D'Cargolux léisst dës Kritiken net gëllen.

Cargolux
Cargolux

D'Cargolux huet 50 Tonne Kerosin iwwer Däitschland aus hiren Tanken musse loossen. De Lëtzebuerger Nohaltegkeetsministère schwätzt vun enger Urgencë-Situatioun. Zu Lëtzebuerg ass dat illegal.

Tanklager Mäertert
Gréiwemaacher/Maërtert

"Esou laang ech Buergermeeschter vu Gréiwemaacher sinn, gëtt et fir dee geplangten Ausbau vum Tanklager zu Mäertert keng Autorisatioun", seet de Léon Gloden (CSV). D'Decisioun fält eréischt no de Gemengewahlen.

Tanklager
Hafen zu Mäertert

Bei den Diskussiounen iwwert deen ëmstriddenen Ausbau vum Tanklager zu Mäertert un der Musel géif d'Lëtzebuerger Regierung weider net op d'Awänn vun deene betraffene Gemenge lauschteren.

20150306-rer-4112-300x200.jpg

Invitéen a Riicht Eraus waren d'Député-Mairen aus dem Osten, de Léon Gloden (CSV) an de Lex Delles (DP). Nieft dem Ausbau vum Tanklager zu Mäertert ass och iwwer Budgestpolitik a Wunnengsbau diskutéiert ginn

Programm

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen