Luxtram Problemer bei engem Deel vun der Tramstreck

Tëscht der Rouder Bréck an dem Parking Glacis ass den Tracé vum Tram komplex. De Generaldirekter vu Luxtram confirméiert d'Problemer, vun deene Medie geschwat haten. Déi zousätzlech Käschte géife vu Luxtram iwwerholl ginn.

Chris Zeien / ys

André von der Marck
André von der Marck

Lëtzebuerger Medien haten iwwert eventuell Problemer vun der Tramstreck tëscht der Rouder Bréck an dem Parking Glacis geschwat. Deen Deel vum Tracé wier effektiv komplex, seet de Generaldirekter vu Luxtram am 100,7-Interview. Engersäits wéinst der d'Bëtongsdall vum Parking Robert Schuman. Vum Parking Robert Schumann wiere bis viru kuerzem keng statesch Pläng ze fanne gewiescht, seet den André von der Marck. Anerersäits hätte laanscht de groussen Theater speziell Mesurë misse geholl ginn, fir Kaméidi a Vibratiounen am Theatersall ze verhënneren.

Déi verschidden Etuden, digital an akustesch Analysen hätten zesummen 300.000 Euro kascht, sou wéi verschidde Medien dat gemellt haten. Luxtram géif dës Käschten awer integral iwwerhuelen, ouni Käschte fir d'Stad Lëtzebuerg.

Komplexen Ënnergrond

Op den 200 Meter vun der Rouder Bréck bis bei de Glacis géif d'Material vum Ënnergrond changéieren, seet den André von der Marck. "Den Tram fiert iwwer d'Roud Bréck, eng Struktur aus Metall a laanscht de groussen Theater, dësen Ënnergrond besteet aus Metall. Virun der Brasserie Schumann fiert den Tram dann iwwer d'Dall vum Parking Schumann."

Déi éischt Vibratiounsanalyse fir dësen Tracé wiere schonn 2013 gemaach ginn, also ier d'Finanzéierung vum Tram decidéiert gi war. Et kéint deemno keng Rieds si vu Problemer, déi ze spéit erkannt gi wieren, seet den André von der Marck. 2014 an 2015 wieren déi detailléiert Pläng fir de Kierchbierg gemaacht ginn. 2016 hätt ee mat de konkrete Pläng fir den Ofschnëtt vun der Rouder Bréck laanscht de groussen Theater ugefaangen.

Bei Analysen am Summer 2017 hätt een erausfonnt, datt "eng traditionell Dalle flottante net den Uspréch gerecht gëtt, wat d'Vibratiounen an de Kaméidi ubelaangt." Am November 2017 wieren déi néideg Matte bestallt ginn, seet den André von der Marck. Zousätzlech wiere 24 speziell Ankerzänn virgesi ginn, fir d'Dalle ze fixéieren

An de leschte Wochen hätt een zesumme mat spezialiséierten Entreprisen d'Pläng validéiert, sou den André von der Marck.

Méi zum Thema

Ministere virum Tram
Offiziell ageweit

Zënter gëschter ass den Tram offiziell a Betrib. Am Mëttelpunkt stoung d'Geschicht an d'Zukunft vum Tram an et gouf Wahlkampf bedriwwen. Mä net alles huet op dësem historeschen Dag geklappt.

Luxtram
Tram

40 Joer nodeems dee leschten Tram gefuer ass, fiert en elo geschwënn nees duerch d'Haaptstad. Wéi ass den Tramsprojet aus urbanistescher a landesplanerescher Perspektiv ze beuerteelen?

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen