Lëtzebuerger Medielandschaft Radio ARA fuerdert méi Ënnerstëtzung fir "Biergermedien"

Déi geplangte Reform vun der Pressehëllef wier eng "riicht an d'Gesiicht" fir de Radio ARA, seet de President vum Sender. De Radio ARA soll zwar fir déi éischte Kéier d'Méiglechkeet kréien eng Pressehëllef vu bis zu 100.000 Euro unzefroen. De Guy Antony kritiséiert awer, datt een op d'mannst zwee professionell Journaliste muss astelle fir esou ee Subside ze kréien. Dee Krittär wier net un d'Funktiounsweis vum Radio ARA ugepasst.

Rick Mertens (Interview) / Chris Zeien (Web)

Guy Antony
De President vu Radio ARA, Guy Antony

De Radio kéint seng Missioun net erfëllen, wann e wéinstens zwee Journaliste misst astellen."Mir mussen d'Leit encadréieren an eis Administratioun maachen. Mir hunn am Moment keen Techniker, deen agestallt ass. Technik leeft voll benevole. An et muss ee sech einfach virstellen, datt wann e groussen technesche Problem ass, oder deene Leit eppes geschitt - dann ass et eriwwer."

Fir weider esou Servicer kënnen unzebidden, fuerdert de Guy Antony, datt "Biergermedien" en eegent Gesetz kréien. Dora misste Krittäre festgeschriwwe ginn, wéi dës Medien zur Medienerzéiung an der Gesellschaft bäidroen, oder datt se Sendungen a Sproochen ubidden, déi soss net an de Lëtzebuerger Medien optauchen.

Missioun a Moyenen definéieren

De Radio ARA misst fuddelen, wann en dee Krittär vu minimum zwee professionelle Journaliste misst erfëllen. Fir seng Missioun ze erfëlle misst de Radio ARA déi néideg Mëttel kréien. "An dat heescht net, datt mir net och wëllen e Beruffsjournalist hunn. Mee net déi zwou éischt Persounen", esou de President vum ARA.

De Radio ARA ass zanter bal 30 Joer e klengen, awer feste Bestanddeel vun der Lëtzebuerger Medielandschaft. E Sender, dee ganz divers Programmen ubitt, déi gréisstendeels vu Benevolle gemaach ginn.

De Staat hätt en Interêt dru fir d'Aarbecht vu Radio ARA ze ënnerstëtzen. Ënner anerem erfëllt de Radio Funktiounen am Beräich vun der Medienerzéiung a bitt d'Méiglechkeet fir och selwer "Medien ze maachen". De Medium géif sech spezifesch un déi Deeler vun der Populatioun adresséieren, déi soss keen Accès zu Medien hätten.

"E gutt Beispill ass, wéi mir wärend der Covid-Kris reagéiert hunn: Mir hu News-Sendungen opgebaut fir verschidde Communities. Op arabesch, op tigrini, op farsi, op spuenesch. Zum Schluss ware mir op zéng verschidde Sproochen (...) Déi Communautéite si vun der offizieller Kommunikatioun zum groussen Deel net erreecht ginn. A wann een esou Leit, déi déi üblech Sproochen hei am Land schlecht verstinn, grad an enger Kris wëllt erreechen, da brauch een aner Instrumenter."

An der Mediathéik:

Invité vum Dag / / Rick Mertens
Lauschteren

Méi zum Thema

Chambersplénière
Service Public

De radio 100,7 kritt en eegent Gesetz. D'Chamber huet eng entspriechend Motioun ugeholl. De Premier- a Medieminister Xavier Bettel wëllt am Hierscht eng konkret Propos op den Dësch leeën.

radio 100,7
Consultatiounsdebatt

An der Chamber ginn d'Preparatioune fir d'Consultatiounsdebatt iwwer de Service public an de Medie virun. D'Vertrieder vum radio 100,7 hunn do erkläert, wéi si sech d'Zukunft vum Radio virstellen.

Thierry Simonelli Meenung
Fräie Mikro

Wat ass den Ënnerscheed tëschent engem privaten, kommerziellen Radio, an engem ëffentlech-rechtlechen Radio? Hei treffe verschidde Siichten openeen, mengt den Thierry Simonelli, Psychanalyst an Auteur.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen