Drogepolitik "Mir brauche méi Drogekonsumraim"

Den Drogenhëllefszenter Abrigado gëtt et zanter dem Mäerz 2012 an der aktueller Form op der Route de Thionville zu Bouneweg. Den Abrigado ass eng provisoresch Struktur an a provisoresche Strukture géif sech heefeg d'Fro stellen, ob een nach Suen dran investéiert, oder net. Dat seet de Raoul Schaaf, Direkter vum Comité national de défense sociale. Mat der aktueller Struktur wier een elo awer un der maximaler Belaaschtungsgrenz ukomm.

Serge Kesseler / cz

Raoul Schaaf
Raoul Schaaf

Bis elo ass den Abrigado den eenzegen Drogekonsumraum hei am Land. Wann den zweeten Drogekonsumraum zu Esch wéi geplangt am Dezember opgeet, da wäert et keng séier Entlaaschtung fir den Abrigado zu Bouneweg ginn. Mëttelfristeg kéint d'Verhale vun den Drogekonsumente sech awer änneren: Domat rechent de Raoul Schaaf.

De CNDS geréiert den Drogenhëllefszënter Abrigado. Pro Dag kommen an der Moyenne bis zu 250 Clienten an den Zenter zu Bouneweg, seet de Raoul Schaaf. Pläng fir aus dem Abrigado eng definitiv Struktur ze maache géifen et fir de Moment awer keng ginn. Am Abrigado goufen d'lescht Joer bal 400.000 Sprëtze getosch.

Méi efficace Aarbecht duerch méi Zenteren

An der Schäfferots-Erklärung vun DP an CSV vun der Stad Lëtzebuerg steet, datt eng extern Evaluatioun vum Abrigado soll gemaach ginn. D'Zil dovu wier et fir ze kucken, ob d'Offer vum Drogenhëllefszenter nach un dat verännert Konsumverhale vun de Clienten ugepasst ass, seet de Raoul Schaaf. Ufank 2019 soll mat dëser Bewäertung ugefaange ginn.

Dem CNDS-Direkter no missten et hei am Land véier bis fënnef Drogekonsumraim ginn. Duerch weider Drogenhëllefszenteren am Norden, Osten, Süden an duerch een zweeten Zenter am Zentrum, kéint een eng aner Opdeelung vun de Leit erreechen. Doduerch kéint een och anescht mat de Leit schaffen. Bei aktuell 200 bis 250 Passagë pro Dag wier et schwéier, fir nach eng individuell Aarbecht garantéieren ze kënnen.

Méi Personal, nei Sécherheetsmesuren an nei Direktesch

Den Abrigado funktionéiert de Moment mat 36 Leit Personal: dräi weider Mataarbechter sollen deemnächst dobäi kommen: eng Reaktioun op een Hëllefruff un d'Adress vun der Stad Lëtzebuerg, huet de Raoul Schaaf erkläert. Doduerch wäert den Abrigago samschdes a sonndes vill méi laang opbleiwe kënnen, wéi dat aktuell de Fall ass.

Beim Abrigado zu Bouneweg goufe viru Kuerzem Mesuren ëmgesat, fir méi Sécherheet ze garantéieren, seet de CNDS-Direkter Raoul Schaaf. "Et ass eng ganz Zaun-Anlag - géifen déi Däitsch soen - ronderëm opgeriicht ginn, no engem Gespréich, dat mir mat der Stater Gemeng haten, wou mir eis eng Partie Suerge gemaach hunn ëm d'Securitéit vun eise Mataarbechter."

Beim Abrigado huet d'Claudia Allar de virleschte Mount de Patrick Klein als Chargé de Direction ersat: et hätt een dat aarbechtsrechtlecht Verhältnis mam Patrick Klein missten opléisen, esou de CNDS-Direkter. Iwwer d'Grënn dofir wollt de Raoul Schaaf näischt soen.

An der Mediathéik:

Invité vum Dag / / Serge Kesseler
Lauschteren

Méi zum Thema

CBD.JPG
Cannabis

Cannabidiol, ofgekierzt CBD, ass eng Moleküll déi een an der Cannabisplanz fënnt. D'Moleküll ass zu Lëtzebuerg legal. Ëmmer méi Geschäfter verkafen dësen CBD-Cannabis. Wat ass CBD, a wat ass den Ënnerscheed zu THC?

Cannabis Bud In Hand Of Man Macro Of Cannabis Weed Marijuana Flowers With Trichomes Close Up Exklusiv
Debat iwwer Cannabis an der Chamber

Bal 7.500 Leit hunn d'Petitioun fir d'Legaliséierung vu Cannabis ënnerschriwwen. Den Donneschdeg ass den ëffentlechen Debat an der Chamber. D'Verbuet géif virun allem mannerjäreger net schützen, seet de Petitionär Joé Schmit.

Cannabis Ueleg
Medezin

An Zukunft ass de Konsum vu Cannabis, dee fir medezinesch an therapeutesch Zwecker genotzt gëtt, zu Lëtzebuerg erlaabt. D'Chamber huet eestëmmeg d'Gesetz ugeholl, mat deem de legale Kader festgeluecht gëtt.

Cannabis
Drogepolitik

Eng Petitioun fuerdert d'Legaliséierung vu Cannabis. A Rekordzäit huet si déi néideg Ënnerschrëfte gesammelt. Mee ass d'Legaliséierung vu Cannabis realistesch? Wat bedeit dat am Kloertext?

Alkohol op der Aarbecht
Alkohol op der Aarbecht

Bei engem Véierel vun den Aarbechtsaccidenter ass Alkohol am Spill. Verschidde Stëmme fuerderen dofir en Alkoholverbuet op der Aarbechtsplaz. Wier esou e Verbuet sënnvoll an an der Praxis ëmzesetzen?

Medizinesche Cannabis
Cannamedica

Déi nei Asbl Cannamedica begréisst d'Iddi vun engem Pilotprojet, fir Cannabis ze legaliséieren. D'Regierung misst allerdéngs méi wäit goen an e legale Kader fir d'Notzung vu Cannabis als Therapiemëttel schafen.

Een Employé vun Aurora Cannabis inspizéiert en Marihuana-Planz
legale Cannabis

Fir géint d'organiséiert Kriminalitéit virzegoen, wëllt de Kanada Marihuana vum éischte Juli 2018 u legaliséieren. Een onrealisteschen Zäitplang, soe Kritiker. D'praktesch Ëmsetzung wier nach net gekläert.

E Jonke fëmmt en Joint
Suchtpräventioun

Drogekonsum ass ënner Jugendlechen e grousse Problem. Besonnesch d'Jugendhaiser spillen an der Suchtpräventioun eng wichteg Roll. Et ginn interessant Projeten, fir déi Jonk vun Drogen ewech ze halen.

Crystal Meth
Nationalen Drogerapport

2.000 Leit zu Lëtzebuerg hunn akut Problemer mat Drogen. Dat geet aus deem neien Drogerapport ervir. De Konsum vu Kokain hëlt zou. Suerge mécht ee sech iwwer Fraen a Kanner am Drogenhandel.

Patrick Klein
Abrigado

Police a Justiz gi konsequent géint d'Drogekriminalitéit vir. De Patrick Klein vun Abrigado begréisst déi rezent Aktiounen. D'Problemer missten awer méi regional geléist ginn. An net just an der Stad.

Alain Origer.jpg Riicht Eraus
Drogepolitik

Hei am Land ginn et ronn zweedausend problematesch Drogekonsumenten. Eng Zuel déi an de leschten 10 Joer zeréckgaangen ass. D'lëtzebuerger “Suchtstrategie”, cibléiert och de Konsum vu legale Substanzen.

CANNABIS.jpg

Op enger table ronde am Exit 07 (den 3. Februar), organiséiert vum "Cannabis Bündnis", hunn Experten a Politiker sech mat Froen iwwert de Cannabis beschäftegt

Donieft wëll d’"Cannabis Bündnis", eng Allianz vu Jugend-Parteien, an deem ausser d’LSAP an d’CSV, all Partei hier Jugend-Partei dra vertrueden huet, hier gemeinsam Positioun nach méi kloer formuléieren
Gil Goebbels

D'Regierung zitt net d’Konsequenzen déi sech imposéieren. Nämlech déi gescheitert Drogepolitik ze reforméieren. Duerch eng Entkriminaliséierung géifen Drogen net verharmlost, mengt de Gil Goebbels am Kommentar.

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen