Referendum iwwer d'Auslännerwahlrecht: Chamber decidéiert eleng
D’Chamberinstitutiounskommissioun huet haut decidéiert, datt se de "Lead" iwwerhëlt am Dossier Verfassungsreferendum, sou de President vun der Kommissioun, den LSAP-Fraktiounschef Alex Bodry op Nofro hinn. An enger Reunioun tëscht him, dem Staatsminister Xavier Bettel an dem Justizminister Felix Braz wier dat och esou ofgemaach ginn. D’Chamber decidéiert deemno eleng, wéi eng Froen an deem konsultative Referendum gestallt a wéi des Froe formuléiert ginn.
Datt d’Bierger iwwert d’Aféierung vum Auslännerwahlrecht befrot ginn, schéngt nees méi wahrscheinlech: fir d’Majoritéitsparteie géif a sengen Aen de Koalitiounsaccord gëllen, sou den Alex Bodry. D'Diskussioun wier "oppen" notammant wat d'Formulatioun vun de Froen ugeet, an et kéinte eventuell nach Froen dobäi kommen.
De Justizminister hat de Referendum iwwert d’Auslännerwahlrecht rezent vun engem méiglechst breede Konsens och mat der Oppositioun ofhängeg gemaach.
Den Interview vum Pia Oppel mam LSAP-Fraktiounschef:
