Gesellschaft Reform vum Scheedungsgesetz gouf ugeholl

D'Scheedungsgesetz gouf gëschter mat de Stëmme vun der Majoritéit an déi Lénk ugeholl. D'CSV an d'ADR hunn dogéint gestëmmt. Während den Debatten hunn eng Rei Punkte fir Kritik gesuergt, wéi zum Beispill d'Ofschafe vum Divorce pour faute.

Carole Schimmer / cz

Scheedungsreform
Bigstock: Freeograph

Eng vun de groussen Neierungen ass, datt just nach zwou Forme vum Scheeden iwwereg bleiwen. Wa béid Partner sech eens sinn, dann ass et den Divorce par consentement mutuel, am anere Fall gëllt den Zerrütungsprinzip. Schonn 2003 gouf et am Gesetzprojet vum fréieren CSV-Justizminister Luc Frieden déi selwecht Prinzipien.

D'CSV huet et sech an Tëschenzäit aneschters iwwerluecht. Schaarf Kritik gouf et vum CSV-Deputéierte Gilles Roth, deen der Meenung ass, et wier falsch, den Divorce pour faute ofzeschafen.

D'Fehlverhale spillt an Zukunft beim Divorce nëmme méi eng Roll, wann et sech ëm strofrechtlech Doten handelt, déi um Penal sanktionéiert ginn. Wéi zum Beispill Vergewaltegung, Gewalt doheem oder nach e sexuelle Mëssbrauch vun de Kanner. Deen Ament verléiert deen "schëllegen eng Rei Rechter, besonnesch finanzieller Natur, wéi d'Alimenter oder bei der Opléisung vum gemeinsame Besëtz. Bis elo huet awer ee Partner, deen zum Beispill friem gaangen ass, op déi finanziell Accorde misste verzichten.

Gilles Roth: CSV net averstanen

Dem Gilles Roth no géif dat net duergoen, einfach nëmme strofrechtlech Doten zeréckzebehalen, och aner Forme vu Feelverhale missten kënne bäibehale ginn.

Wann Elteren enger Koppel een Terrain geschenkt hätten a legitimmer Weis dovun ausgaange sinn, datt den Eedem oder d'Schnauer net géifen deelen, wann d'Bestietnes wéinst engem Feeler auserneegaange wier, wier et an Zukunft net méi méiglech, déi Schenkung réckgängeg ze maachen. An Zukunft kéint dës just nach réckgängeg gemaach ginn, wann déi zwee Partner sech eens wieren, well d'Schenkung op engem Notairesakt baséiert, aus deem d'Leit net méi erauskommen.

Alex Bodry: "CSV wëllt beim Satus quo bleiwen"

Domat géif d'CSV beim Status Quo wëlle bleiwen, mengt den LSAP-Fraktiounspresident Alex Bodry. "A fir all d'Nostalgiker vun deem dote Scheedungsgrond: Ech war net laang als Affekot täteg, mee ech muss soen, datt déi Enquêten, d'Zeienunhéierungen a Scheedungsprozesser zu de penibelsten Aufgabe gehéiert hunn."

An Zukunft méi kloer Regelen:

Duerch d'Scheedungsgesetz ginn et elo kloer Kritären, déi de Riichter kann notzen, fir d'Alimenter auszerechnen, bis elo gouf et keng fest Regelen, seet d'Sam Tanson vun déi gréng a Rapportrice vum Gesetz.

  • Den Alter
  • D'Gesondheet
  • D'Dauer vum Bestietnes
  • D'Zäit déi verbruecht gouf, fir d'Kanner grousszezéien
  • D'Qualifikatioun an déi professionell Situatioun
  • D'Méiglechkeet eng nei Aarbecht ze fannen
  • De Patrimoine vum Partner

D'Period, während där e Recht op Alimenter besteet, gëtt an der Zäit begrenzt a kann - sauf circonstances exceptionelles - net méi laang sinn, wéi d'Dauer vum Bestietnes selwer. De Conjoint, dee während dem Bestietnes opgehalen huet mat schaffen, oder manner schafft, kann an Zukunft e retroaktive Réckkaf vu senge Pensiounsrechter maachen.

Roy Reding: Regelung vum Zeréckbezuele vu Pensiounsrechter "absolutte Quatsch"

D'Pensiounsrechter zeréckkafen ass also méiglech, wann ee vun de Partner manner geschafft huet, fir sech méi ëm de Stot ze këmmeren. Dat begréisst d'ADR, mee wéi et am Gesetz festgeluecht ass, wier net logesch, seet de Roy Reding ADR-Deputéierten.

"D'Regelung, datt deen dee bezuele muss, dat entweder kann un d'Rentekeess (CNAP) oder direkt un de Partner mécht, ass absolutte Quatsch. De Partner muss dann un d'CNAP iwwerweisen a wann en dat net mécht, da kann een déi Suen nees zeréckfuerderen. Firwat net einfach soen, et muss un d'Rentekeess iwwerwise ginn?"

Eng wichteg Neierung ass d'Aféiere vun engem Familljeriichter, dee sech ëm all d'Froen a Geriichtsprozeduren ëm d'Famill an de Kanner këmmere kann.

An enger Motioun, déi déi gréng Deputéiert Sam Tanson deponéiert huet, gëtt d'Regierung opgefuerdert, ee Bilan vum Scheedungsgesetz no dräi Joer ze zéien.

An der Mediathéik:

Aktuelles / / Carole Schimmer
Lauschteren

Méi zum Thema

Corinne Cahen
Chamberwahlen 2018

D'Reform vum RMG géif Monoparentallen a Kanner an de Mëttelpunkt stellen, seet d'DP-Presidentin Corinne Cahen. Et misst een "iwwer de ganze Steiersystem" kucken, a Kanner och do an de Mëttelpunkt stellen.

Olivier Grüneisen
Rechter fir Behënnerter

Lëtzebuerg huet eng Partie Punkten aus der UNO-Konventioun fir d'Rechter vu Behënnerten nach ëmmer net ëmgesat. Dat misst sech sou séier wéi méiglech änneren, seet den Direkter vun Info-Handicap.

Patrick Hurst, President vun "Nëmme mat eis"
UN-Konventioun

Eng UN-Konventioun soll klären, ob hei am Land d'Mënscherechter bei behënnerte Persoune respektéiert ginn. Dozou gehéiert ënnert anerem d'Accessibilitéit vu Gebaier an den Zougang zu enger Aarbecht.

Euro-Mënzen.jpg
Steieren

D'Stock options misste reforméiert ginn, fuerderen och elo Vertrieder vun de Majoritéitsparteien. 150-180 Milliounen Euro Steiergelder goungen dem Staat d'lescht Joer wéinst de Stock options verluer.

Mick Entringer Kommentar
Lycéesreform

No zwee Joer huet den Educatiounsminister seng Iwwerleeungen iwwert d’Lycéesreform presentéiert. De Pabeier vu sechs Säiten ass wäit ewech vun engem Gesetzprojet. E Kommentar vum Mick Entringer.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen