Politesch Prioritéiten "Reform vun der Grondsteier sou séier wéi méiglech"

D'Grondsteier soll "sou séier wéi méiglech" ugepaakt ginn, esou d'Taina Bofferding. En interministerielle Comité soll relativ séier Piste fir déi Reform virschloen. An hiren Ae misst déi zukünfteg Grondsteier fir d'Leit, déi op hirem eegenen Terrain wunnen, "gerecht a sozial" sinn. Si misst op där anerer Säit awer och en Instrument ginn, fir d'Spekulatioun mat Terrainen ze ënnerbannen.

Maurice Molitor / cz

Taina Bofferding
Taina Bofferding

D'Gemengegesetz an d'Reform vun der Grondsteier sinn déi zwee décksten Dossieren, déi déi nei Ministesch Taina Bofferding am Intérieur, engem vun hiren zwee Ressorten, ëmsetze wëllt. D'Gemengegesetz géif vill Consultatioune viraussetzen, soll awer bis d'Enn vun der Legislaturperiod duerch d'Chamber sinn.

Hir perséinlech wier et engersäits wichteg fir d'Spekulatioun kënnen ze besteieren, op där anerer Säit misst een awer och oppassen, datt doduerch kee bestrooft géif ginn. "Ech ka mir ganz gutt virstellen, datt mir Leit, déi ee Logement hunn, Objet wou si dra wunnen, datt si do net musse weider finanziell drop besteiert ginn. Ech kéint mir virstellen, datt een do en Abattement aféiert, also een Deel ka steierfräi maache fir dee Logement, wou d'Leit dra wunnen", sou d'Taina Bofferding.

D'Ministesch hofft fir d'Reform am Konsens kënnen ze maachen. Den Impôt foncier ass eng kommunal Steier, déi de Gemengen am Land haut eng 40 Milliounen Euro abréngt: dat ass e marginalen Deel vun hire Recetten.

Franz Fayot als nächsten LSAP-President?

De Franz Fayot wier dee Richtege fir als nächsten LSAP-President den Erneierungsprozess vun der Partei virunzedreiwen, mengt d'Taina Bofferding.

"Ech hu mat him an der Chamber zesummegeschafft, an ech kennen hien als e ganz engagéierte Mann. Hien huet Iddien, wéi een eis Partei ka reforméieren, an ech mengen, all gutt Iddi ass wëllkomm. Fir datt mir déi Chantieren, déi mir hunn - souwuel intern, wéi awer och thematesch, wou mir eis mussen anescht opstellen. A wann hien d'Motivatioun huet an dat wëllt ugoen, huet hie meng Ënnerstëtzung."

Fraequot bei Chamberwahlen: Richteg, mee nach weider Chantieren

"D'Quot huet op d'mannst eppes bruecht: equilibréiert Lëschten!" Dat ass hir éischt Reaktioun op de Constat, datt trotz 40 oder souguer 50 Prozent Kandidatinnen op de Lëschte vun de Parteie just 25 Prozent vun Deputéierten an der neier Chamber Frae sinn.

Dës Quot wier natierlech keng Garantie, datt automatesch méi Frae gewielt ginn. Et géif gëllen "seng Aarbecht hannendrun" ze maachen. Virun allem d'Parteie wiere gefuerdert "fir déi Diversitéit an déi Mixitéit hinzekréien", inner- an och ausserhalb vun de Parteien.

An der Mediathéik:

Invité vum Dag / / Maurice Molitor
Lauschteren

Méi zum Thema

Den Etienne Schneider, de Xavier Bettel, d'Corinne Cahen an de Félix Braz.
Chamberwahlen 2018

DP, déi gréng an LSAP hunn no annerhallwem Mount Verhandlungen ee Regierungsprogramm ënnerschriwwen. Eng éischt Analys vun den 246 Säiten, iwwer déi d'Parteigremien nach mussen ofstëmmen.

Jean-Jacques Rommes a Marco Wagener
Riicht Eraus

0,5 Prozent vun den Entreprisë bezuelen d'Hallschent vun de Betribssteieren. D'Patronatsorganisatioune fuerderen dowéinst eng Baisse vum Steiersaz. Am CES plädéiert d'Salariat dogéint fir d'Aféiere vun engem Mindeststeiersaz fir Betriber.

Comité économique et social
Steierlandschaft

De Wirtschafts- a Sozialrot huet eng aktualiséiert Analys presentéiert. Schwéierpunktthema ass d'Betribsbesteierung. Déi misst op 21 Prozent erofgoen, fuerdert de Patronatsvertrieder Jean-Jacques Rommes.

Julien Licheron
Chamberwahlen 2018

D'Immobiliëpräiser zu Lëtzebuerg sinn zanter 2010 all Joer tëscht 4,5 a 5 Prozent geklommen. A si klamme virun, seet de Julien Licheron. D'Lëtzebuerger Specificitéit wier, datt zanter Joerzéngten d'Offer der Demande net nokënnt.

Wat fir eng Steierpolitik fir Lëtzebuerg?
Chamberwahlen 2018

Wat fir eng Besteierung fir Stéit, Betriber a Patrimoine? Et diskutéieren: Jerry Weyer, Sam Tanson, Alex Bodry, Gilles Roth, Ali Ruckert, Pierre Gramegna, Alex Penning, Carole Thoma, Mario May.

Pia Oppel Analys
Chamberwahlen 2018

Vill Parteie wëllen d'Grondsteier an d'Steierklasse reforméieren, grad ewéi kleng Revenuen a Betriber entlaaschten. An hire Wahlprorammer engagéieren d'Parteie sech awer zu wéineg Konkretem.

Jean-Claude Franck Analys
Chamberwahlen 2018

D'Regierung hat an hirem Koalitiounsaccord eng Steierreform versprach, a se gouf och ëmgesat. Ënner dem Stréch goufen an der Steierpolitik an de leschte fënnef Joer awer wéineg nei Weiche gesat.

Logement
Themendag Logement

Lëtzebuerg huet en héije wirtschaftleche Wuesstem, d'Bevëlkerung wiisst, mä et feelt u Wunnengen. Wouduerch ass dat bedéngt, wat kënnen de Staat an d'Gemenge maachen, a wéi eng alternativ Wunnforme ginn et?

Net verpassen

  • 23.10. Riicht eraus mam Marc Giorgetti

    RiichtEraus_MarcGiorgetti_horizontal.jpg

    Mam President vum Groupement des Entrepreneurs geet et ëm d'Wunnengskris, déi geplangte Grondsteierreform a säi professionelle Parcours als Bauentrepreneur.

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen