Rentrée um neien Uni-Campus Belval

©Michel Brumat/Université de Luxembourg

D’Wantersemester op der Uni Lëtzebuerg huet ugefaang. An domadder fir vill Studenten och dat éischt Semester um neie Campus Belval. Déi meescht Fakultéiten an d’Uni-Verwaltung sinn elo op enger Plaz. De Belval Campus huet eng Capacitéit vu ronn 8000 Studenten. Den Ament huele ronn 2200 Studenten d’Offer vun 23 verschiddene Studiegäng an Usproch.

UNI_2015-09-14_Welcome-Day_Reiner-Klump_Vera-Spautz_Georges-Engel ©Michel Brumat/Université de Luxembourg

D'Studenteliewen gëtt méi einfach

Fir d’Rentrée ware gëschter eng 900 Studenten an déi fonkelnei "Maison du Savoir" komm. "Lo kann een och Mol Meetinge maachen, wou een net direkt zwou Stonne verléiert, well ee sech tëscht de Campusse muss hin an hir beweegen", sou ee Student. Bis 2017 sollen et ronn 1300 Studentewunnengen um Campus ginn, den Ament sinn et der ronn 780. Et wier net schwéier gewiescht eng Wunneng ze fannen erkläert eng Studentin aus Tréier: "Ech hu mech einfach um Site vun der Uni ageschriwwen. An no zwee Deeg krut ech d’Äntwert, dass ech eng Wunneng hätt." Fir d’Studenten ze encadréieren an déi nei Studenten ze orientéieren, gëtt et den "Office Student Life", dee fir de Semesteroptakt eng komplett "Welcome Week" organiséiert huet.

UNI_2015-09-14_Welcome-Day_Reiner-Klump_Vera-Spautz_Georges-Engel ©Michel Brumat/Université de Luxembourg

"E Kaddo fir d'Stad Esch"

De Recteur vun der Uni Lëtzebuerg, de Professer Rainer Klump huet d’Uni als "zouverlässege Partner vun der Regioun" bezeechent. Et géif ee sech awer och als "Zentrum vum Wësseschaftssystem vum ganze Land" gesinn: "Mir wëllen och weider mat der Stad Lëtzebuerg zesumme schaffen. Ëmmerhinn si mir nach e puer Joer um Campus Lampertsbierg vertrueden an de Campus Kierchbierg wëlle mir ausbauen." Fir d’Escher Buergermeeschtesch ass den neie Campus vun der Uni um Belval ee vun deene schéinste Kaddoen, deen een enger Stad ka maachen. D’Vera Spautz huet awer och drop higewisen, dass et méi laang gedauert huet, wéi ugangs geplangt, bis d’Uni endlech op de Belval geplënnert ass.

Audio:

Den Dossier vum Maxi Pesch:

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen