Rockhal am Viséier vum Konkurrenzrot

En Expert soll d’Comptabilitéit vun der Rockhal ënner d’Lupp huele fir ze kucken ob de Concert’s-Sall zu Esch géint d’Konkurrenz-Recht verstéisst. Dat huet de lëtzebuerger "Conseil de la concurrence" an enger Décisioun vum 8. Oktober decidéiert, nodeems zwou Gesellschaften, Abraxas an den Atelier, Plainte agereecht haten.

Well d’Comptabilitéit vun der Rockhal net präzis genuch ass, kann de Conseil sech net festleeën, ob den Etablissement public illegal Praïss-Praktike bedreift, esouwuel bei der Organisatioun vu Concerten, wéi och der Locatioun vum grousse Concerts-Sall. De Conseil werft der Rockhal e Manktem un Zesummenaarbecht vir. Zum Beispill géif d’Rockhal refuséieren de Reservatiounssystem vum grousse Sall méi transparent ze maachen. Wat drop hindeite kéint, dass den Etablissement public sech iwwert dee Wee en Avantage verschafe wéilt par rapport zu private Promoteuren.

Weider bedauert de Conseil och den Toun vun de Vertrieder vun der Rockhal. De "Conseil de la Concurrence" kënnegt och Moossnahmen un, falls Infraktioune géint d’Konkurrenz-Recht festgestallt ginn.

D’Rockhal kéint wéinst de Staatshëllefe Concerten à perte organiséieren, esou de Virworf vun de Plaignants, an esou d’Präisser um Marché kontrolléieren.

Op Nofro hin krute mer vun der fréierer Presidentin vum Verwaltungsrot, Josée Hansen gesot, si kéint keng Stellung dozou huelen, well hiert Mandat, an och dat vun all deenen anere Memberen, de 15. Oktober dëst Joer ofgelaf ass. D’Décisioun vum "Conseil de la Concurrence" gouf iwwregens een Dag drop, de 16. Oktober op sengem Internet-Site publizéiert.

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen