Gesondheetssecteur Rush op Formatioun iwwer medezinesche Cannabis

Dokteren, déi dee medezinesche Cannabis wëlle verschreiwen, mussen am Virfeld eng Formatioun vun aacht Stonne suivéieren. Den Interessi vun den Doktere fir déi éischt Formatioun war grouss.

Carole Schimmer / cz

Jean-Claude Schmit.JPG
Jean-Claude Schmit (Foto: Archiv)

Déi 150 Plazen, déi d'Direktioun vun der Santé virgesinn hat, ware séier besat, seet den Dokter Jean-Claude Schmit, Direkter vun der Santé. Fir eng zweet Formatioun an e puer Wochen hätt sech och schonn eng Rei Dokteren ugemellt.

Limitéierten Zougang zum medezinesche Cannabis

De medezinesche Cannabis ass fir dräi Kategorië vu Patienten erlaabt, wann aner Therapien an Optiounen net méi gutt wierken. Dacks wieren et Persounen, déi eng schlëmm Krankheet hunn, oder déi sech an engem avancéierte Stadium vun der Krankheet befannen. "Vum therapeutesche Cannabis kënnen och Kriibspatiente profitéieren, déi chronesch Péng hunn, déi Chemotherapien net gutt verdroen an deene mat übleche Medikamenter net gehollef kenne kréien", seet de Jean-Claude Schmit. Déi drëtt Kategorie betrëfft neurologesch Krankheeten, wéi d'Sclérose en plaque, wou een dacks Muskelkrämp huet, déi immens wéi dinn, sou den Dokter Schmit.

Medezinesche Cannabis gëtt importéiert

Zu Lëtzebuerg gëtt et keng Produktioun vu Cannabis. De Grand-Duché importéiert d'Präparater fir den Ament aus Kanada. Am Laf vun dësem Joer wëllt d'Direktioun vun der Santé eng weider europäesch Ausschreiwung lancéieren, seet den Dokter Jean-Claude Schmit.

"Déi Firmen, déi am Ausland autoriséiert si Cannabis ze produzéieren, kënnen do hir Kandidatur stellen. Da musse mir kucke mat wat fir engem Produzent mir do weiderfueren. Mee den therapeutesche Cannabis muss importéiert ginn."

Patienten, déi dee medezinesche Cannabis vun hirem Dokter verschriwwe kréien, mussen an eng vun de véier Spidolsapdikten d'Medikament siche goen.

Méi zum Thema

Cannabis Joint
Projet Pipapo

"D'Cannabiskonsumente sinn aktuell an enger illegaler Situatioun. Et ass positiv, datt de Konsum soll legaliséiert ginn". Dat seet de Carlos Paulos, Direkter vu 4Motion a Responsabele fir de Projet Pipapo.

Een Employé vun Aurora Cannabis inspizéiert en Marihuana-Planz Exklusiv
Koalitiounsverhandlungen

D'Legaliséierung vu Cannabis dierft an de Koalitiounsaccord stoe kommen. Dat ass 100,7-Informatiounen no e Bestanddeel vum Rapport vum Aarbechtsgrupp "Santé". Den Text mat Propose gouf an de leschten Deeg ofgeschloss.

CBD.JPG
Cannabis

Cannabidiol, ofgekierzt CBD, ass eng Moleküll déi een an der Cannabisplanz fënnt. D'Moleküll ass zu Lëtzebuerg legal. Ëmmer méi Geschäfter verkafen dësen CBD-Cannabis. Wat ass CBD, a wat ass den Ënnerscheed zu THC?

Cannabis Ueleg
Medezin

An Zukunft ass de Konsum vu Cannabis, dee fir medezinesch an therapeutesch Zwecker genotzt gëtt, zu Lëtzebuerg erlaabt. D'Chamber huet eestëmmeg d'Gesetz ugeholl, mat deem de legale Kader festgeluecht gëtt.

Cannabis
Drogepolitik

Eng Petitioun fuerdert d'Legaliséierung vu Cannabis. A Rekordzäit huet si déi néideg Ënnerschrëfte gesammelt. Mee ass d'Legaliséierung vu Cannabis realistesch? Wat bedeit dat am Kloertext?

Cannabis Medezin Exklusiv
Medezinesche Cannabis

De Collège Médical ass net begeeschtert vum Gesetzesprojet fir d'Legaliséierung vum medezinesche Cannabis zu Lëtzebuerg. De President vum Collège Médical schwätzt vun "immense Restriktiounen".

Medizinesche Cannabis
Cannamedica

Déi nei Asbl Cannamedica begréisst d'Iddi vun engem Pilotprojet, fir Cannabis ze legaliséieren. D'Regierung misst allerdéngs méi wäit goen an e legale Kader fir d'Notzung vu Cannabis als Therapiemëttel schafen.

CANNABIS.jpg

Op enger table ronde am Exit 07 (den 3. Februar), organiséiert vum "Cannabis Bündnis", hunn Experten a Politiker sech mat Froen iwwert de Cannabis beschäftegt

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen