Europäesche Wocheréckbléck Schwaach Argumenter géint Spëtzekandidaten

An der EU gëtt driwwer gestridden, wéi d'Poste solle verdeelt ginn. Et geet ënner anerem drëm, ob ee vun den europäesche Spëtzekandidate fir d'Europawahlen dono soll Kommissiounspresident ginn. D'Géigner vum System vun de Spëtzekandidaten hu schwaach Argumenter, seet d'EU-Korrespondentin Danièle Weber an eisem EU-politesche Wocheréckbléck.

Danièle Weber (Bréissel) / cbi

Analys Danièle Weber
D’Géigner vum System vun de Spëtzekandidaten hu schwaach Argumenter, seet d’EU-Korrespondentin Danièle Weber an eisem EU-politesche Wocheréckbléck. Foto: Elke Weber / Archiv

D'Staats- a Regierungscheffe wollten op hirem Sommet zu Sibiu virun allem eent demonstréieren: d'Eenheet vun de 27 EU-Länner. Gestridde gouf awer, an zwar iwwer d'Prozedur wéi an Zukunft solle Posten an der EU verdeelt ginn.

De System vun de Spëtzekandidaten, deen et zanter de leschte Wahle gëtt, ass komplizéiert an ëmstridden. Enner anerem de Lëtzebuerger Premier Xavier Bettel huet gëscht gesot, dee System géif ouni transnational Wahllëschte kee Sënn maachen. Domat si Lëschte gemengt, op deene sech an allen EU-Länner déi nämmlecht Kandidaten opstellen.

Un deem Argument ass eppes drun, de System ass net perfekt - allerdéngs ass et net logesch, datt déi liberal Partei dës Kéier dogéint ass. Nach bei de leschte Wahlen hat si selwer mam Guy Verhofstadt ee Spëtzekandidat nominéiert. Eng Alternativ, déi dofir suerge kéint, datt d'Wieler méi bei der Posteverdeelung ze soen hunn, presentéieren d'Géigner vum System och net.

Datt elo déi Liberal de System vun de Spëtzekandidaten op eemol net méi gutt fannen, huet vläicht eppes domat ze dinn, well si sech net mam franséische President Emmanuel Macron a senger "La République en Marche" net eens gi sinn, fir sech virun den Europawahlen zesummen ze dinn an ee gemeinsame Kandidat ze presentéieren.

LSAP: Schmit seet Nee, Angel jo zu Spëtzekandidaten

D'Lëtzebuerger Sozialiste schéngen sech an där Fro net eens ze sinn. De Nicolas Schmit seet, hie stéing "largement hanner dem Premier", et wier och keen "Automatismus" iwwer ee System vu Spëtzekandidaten an den EU-Traitéë virgesinn. De Marc Angel huet dat dono revidéiert a gesot, datt op alle Fall ee vun de Spëtzekandidate soll no de Wahle Kommissiounspresident ginn.

Dat ass och d'Positioun vum Europaparlament. Säi President Antonio Tajani huet zu Sibiu betount, datt d'Parlament keen anere Kandidat fir de Poste vum Kommissiounspresident akzeptéiere géif. D'Parlament muss de Kandidat fir Chef vun der Kommissioun ze ginn, gutt heeschen.

Staats- a Regierungscheffe sëtzen um Hiewel

Zu Sibiu hunn d'Staats- a Regierungscheffen awer däitlech gemaach, datt si um laangen Hiewel setzen. Dat ass an den Traitéen och esou virgesinn: Si nominéieren de Kommissiounspresident, mussen dobäi just d'Resultat vun de Wahle mat berécksiichtegen.

D'Kräfteverhältnis am Conseil vun de de Staats- a Regierungscheffen, weist den Ament folgend Bild: Déi, déi fir de System vun de Spëtzekandidate sinn, si liicht am Virdeel. Dozou zielen d'Chrëscht-Demokrate vun der Europäescher Vollekspartei. Et gëtt den Ament néng Staats- a Regierungscheffen, déi dëser Fraktioun ugehéieren, si hunn also aacht Stëmmen am Conseil. D'Sozialiste kommen op fënnef.

Op där anerer Säit stinn déi Liberal un der Spëtzt vun aacht Memberlänner. Kloer géint de System vun de Spëtzekandidaten huet sech nieft dem franséische President Emmanuel Macron och déi litauesch Presidentin Dalia Grybauskaitė kritesch zum System geäussert. Deemno wiere schonn op mannst zéng Länner net dofir, dat ee vun de Spëtzekandidaten och Kommissiounschef gëtt.

De System gëtt nach méi komplizéiert an op alle Fall net méi demokratesch, seet d'Danièle Weber an eisem EU-politesche Wocheréckbléck.

An der Mediathéik:

Aktuelles / / Danièle Weber
Lauschteren

Méi zum Thema

Nicolas Schmit
Europawahlen 2019

Den Nicolas Schmit, LSAP-Spëtzekandidat fir d'Europawahlen, ass dogéint, datt de Spëtzekandidat vun der stäerkster Fraktioun automatesch EU-Kommissiounspresident gëtt. Dat géif esou net an den Traitéë stoen.

Maastricht Debate
Europawahlen 2019

Als Optakt vun der waarmer Phas vum Europawahlkampf gouf d'Debatt annoncéiert, déi d'Universitéit vu Maastricht co-organiséiert huet. Verschidde Positioune waren an der Debatt awer net vertrueden.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen