Europawahlen Schwieregkeete bei Zesummestellung vu Wahlbüroen

"Mir hate wéinst der Päischtvakanz Problemer eis Walbüroen fir d'Europawalen zesummenzestellen", seet den Ettelbrécker Buergermeeschter Jean-Paul Schaaf op Nofro hin. Grond heifir ass, datt sech den Ufank vun der Päischtvakanz an d'Europa-Wahlen de 26. Mee iwwerschneiden. En Zoufall, deen zwar onglécklech wier, mee duerch de legislative Kader festgeluecht ass, esou d'Äntwert aus dem Educatiounsministère.

Maurice Antony / cz

Walen
Bigstock / Alexandru Nika

Per Gesetz ass den Educatiounsministère nämlech dozou verflicht, d'Vakanzen dräi Joer am Viraus fir de ganze Schoulsystem opzestellen, esou de Pierre Reding, Premier Conseiller am Educatiounsministère. Am Mee zejoert goufen d'Vakanze fir d'Period 2018 bis 2021 fixéiert. "Hei war et esou, datt deen Datum vun den Europawahle jo eréischt am Laf vum leschte Joer festgeluecht gouf. An dat kënne mir ee Joer virun deem betraffene Whaljoer natierlech net méi änneren."

Well sech Päischtvakanz an Europawahlen iwwerschneiden, wier d'Opstellung vun de Wahlbüroen zousätzlech erschwéiert ginn, seet den Ettelbrécker Buergermeeschter Jean-Paul Schaaf. Eenzel Leit wieren déi Zäit am Congé. "Dat sinn dann eben Leit, déi d'Gewunnecht an d'Kenntnis hu fir President respektiv Secretaire vun oder an engem Wahlbüro ze sinn.

Nieft Ettelbréck hate weider Wahlbüroen, esou zum Beispill deen zu Esch, Krämpes eng Equipe fir de Wahlsonndeg zesummenzekréien. Schlussendlech hätt sech "awer alles erginn", seet den Ettelbrécker Buergermeeschter. Hie géif sech awer wënschen, datt d'Wahlbüroen an Zukunft net méi duebel musse besat ginn.

Fir all Wahlbüro mussen nämlech per Gesetz och Ersatzleit bereet stoen. Persounen, déi seele gebraucht an awer convoquéiert musse ginn, esou de Jean-Paul Schaaf. "Sou misst een net fir all Wahlbüro spezifesch Reservisten hunn, mee datt ee fir eng ganz Gemeng Reservisten huet. Dat géif eis schonn hëllefen. Dann hätte mir 25 Leit manner misste siche goen."

Duerch d'Päischtvakanz ass och d'Demande fir Bréifwahl an d'Luucht gaangen, e weideren organisatoreschen Defi, esou de Jean-Paul Schaaf.

Méi zum Thema

Sophie in ‘t Veld
Europawahlen 2019

D'EU-Kommissioun muss méi kleng, méi demokratesch legitiméiert a méi onofhängeg vun de Memberstaate ginn. Dat fuerdert déi liberal hollännesch Europadeputéiert Sophie in 't Veld.

Europawahlen 2019 Analys
Europawahlen 2019

60 Kandidate vun zéng Parteien trieden de 26. Mee bei den Europawahlen hei am Land un. Den Delai fir d'Lëschten ze deposéieren ass ofgelaf. Eng Analys vun de Kandidaten.

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen