Steier-Rulingen: Spezialkommissioun amplaz Enquêtekommissioun

Fir d’Steier-Rulingen an der EU ënnert d’Lupp ze huele gëtt keng Enquêtekommissioun, mee eng Spezialkommissioun op d’Been gesat... also eng Kommissioun mat manner Moyenen. Dat hunn d’Fraktiounscheffe vun den 3 gréisste Parteien am EU-Parlament de Moien decidéiert. Déi europäesch Gréng, déi no de Luxleaks Revelatiounen d’Initiativ fir eng Enquêtekommissioun lancéiert haten, an déi europäesch Lénk, soten sech enttäuscht iwwert d’Decisioun, och wann eng Spezialkommissioun déi zweet-bescht Léisung wier.

Par konter soten sech déi zwou Oppositiouns-Parteien immens rosen, well de Sozialdemokrat a President vum Europaparlament, de Martin Schulz, guer kee Vote erlaabt huet iwwert d’Optioun vun enger Enquêtekommissioun. Dat géing e Prezedenzfall schafen: 188 Stemme ginn duer fir eng Enquêtekommissioun an d’Liewen ze ruffen. Elo géing sech erausstellen, datt de Parlamentspresident ka verhënneren, datt et iwwerhaapt zu engem Vote kënnt.

De Bäitrag vum François Aulner:

 

Reaktioun vum Charel Goerens am Interview mam François Aulner:

 

Reaktioun vum Claude Turmes:

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen