Steierrulingen: Regierung wëll eegenen Aussoe no mat EU-Kommissioun kooperéieren

D’lëtzebuerger Regierung zitt hier Recourse géint d’EU-Kommissioun zeréck. Recourse géint zwou verschiddenen Demandë vu Bréissel, fir Informatiounen ze kréien iwwert d’Steierrulingen an iwwert d’Besteierung am Beräich vun der propriété intellectuelle. Lëtzebuerg géing elo och der EU-Kommissioun déi komplett Lëscht vun de Steierrulinge ginn, sou wéi d’Lëscht vun deenen déi vum Steier-Regime bei der propriété intellectuelle profitéieren.

Dat huet de Xavier Bettel um Treffe vun den EU Staats- a Regierungscheffen zu Bréissel matgedeelt. De Premier sot dës Decisioun wier dorobber zeréckzeféieren, datt een an der europäescher Unioun op de Wee vu gemeinsame Reegele geet. D’EU-Kommissioun soll nämlech Wëlles bis Mëtt nächst Joer nei Propose fir een automateschen Informatiounsaustausch iwwert Steierrulingen ausschaffen. Donieft huet se Wëlles d’Rulinge vun all den EU Memberstaten ënnert d’Lupp ze huelen.

Den EU-Kommissiounspresident Jean-Claude Juncker sot op Nofro hin, déi aner Länner (wéi beispillsweis Irland) hätten sech gëschter nach net bereet erklärt, der EU-Kommissioun Informatiounen iwwert hier Rulingen ze ginn.

De Bäitrag vum Christian Welter:

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen