Europawahlen 2019 Optimistesch an d'Europawahlen

Wann d'Leit politesch mat participéiere kéinten a si net am Reen stoe gelooss géife ginn, da géife si keng Extremer wielen. Där Iwwerzeegung ass d'Tilly Metz. Si géif optimistesch an d'Europawahlen de 26. Mee goen, sou déi gréng Spëtzekandidatin bei de Wahle fir een neit Europäescht Parlament.

Serge Kesseler / cz

Tilly Metz
Tilly Metz ass Europadeputéiert a Co-Spëtzekandidatin vun de grénge Lëtzebuerger fir d'Europawahlen

An hirem Wahlprogramm setzen déi gréng sech fir eng feministesch Aussen- a Sécherheetspolitik a fir méi Fridden a Sécherheet ze erreechen, sou d'Tilly Metz. Frae géife 50 Prozent vun der Populatioun ausmaachen an dofir wier et wichteg, datt déi Balance sech och an der Politik a virun allem an der Aussepolitik géif erëmspigelen. Aktuell géif d'Carrière vu verschiddene Frae bis op e gewëssen Niveau goen, trotz gudde Studien.

Hir Protestaktioun den 20. Februar dëst Joer op engem belsche Militär-Fluchhafen, verdeedegt d'Politikerin. Si hätt wëllen op de Risiko vun Atombommen an Europa opmierksam maachen. Wat déi juristesch Suite vun der Affär ugeet, hätt si nach kee Bréif vun de belschen Autoritéite kritt. Si kéint sech awer virstellen, datt dat nach geschitt, esou d'Tilly Metz.

Spëtzekandidatesystem "e Schrack no vir"

De Premier Xavier Bettel gesäit de Prinzip vun den europäesche Spëtzekandidate bei den Europa-Wahle skeptesch. Eng aner Meenung vertrëtt déi gréng Politikerin Tilly Metz. De System vun de Spëtzekandidate wier e Schrack no vir, e Schrack deen d'Europäescht Parlament gestäerkt hätt. Et soll een de Prinzip bäibehalen, sou d'Europadeputéiert a Co-Spëtzekandidatin.

D'Tilly Metz erënnert drun, datt deen zukünftegen EU-Kommissiounspresident eng Majoritéit am Europaparlament misst kréien. Ënner wéi enge Konditiounen déi gréng Fraktioun bereet wier, déi konservativ EVP an d'Sozialdemokraten am Europaparlament ze ënnerstëtzen. Et wier awer de Programm, deen ausschlaggebend wier, op Basis vun dësem géifen déi gréng sech da positionéieren.

Der Tilly Metz no sollt awer net onbedéngt de Spëtzekandidat vun der stäerkster Partei automatesch de Kommissiounspresident stellen. "Ech kéint mir duerchaus virstellen, datt et net ee vun de Konservative muss sinn, mee eventuell ee vun enger anerer Partei."

An der Mediathéik:

Invité vum Dag / / Serge Kesseler
Lauschteren

Méi zum Thema

Les élections européennes au Royaume-Uni
Europawahlen 2019

Le Royaume-Uni se prépare aux élections européennes qui se tiendront le 23 mai. Le Brexit semble avoir révélé de nouveaux partis qui sont aujourd'hui en campagne active à travers tout le pays.

Danièle Weber Analys
Europäesche Wocheréckbléck

An der EU gëtt driwwer gestridden, wéi d'Poste solle verdeelt ginn. Soll ee vun den europäesche Spëtzekandidate Kommissiounspresident ginn? D'Géigner vum System hu schwaach Argumenter, fënnt d'Danièle Weber.

Programm

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen