Wiederkatastroph Tornado: de Méindeg dono

Och nom Weekend stinn d'Betraffe vum Tornado zu Käerjeng a Péiteng nach ëmmer virun enger Partie Erausfuerderungen. Zum Beispill fir fir Schied, déi provisoresch reparéiert goufen, méiglechst séier eng permanent Léisung ze fannen. D'Françoise Keller war de Méindeg op der Plaz an huet mat Betraffenen iwwer hir Andréck nom Tornado geschwat.

Françoise Keller / cz

Tornado CGDIS twitter
Foto: CGDIS op twitter

"Et war iwwerall. Et ass jo wéi dir gesitt, ass hei praktesch keen Daach deen nach ganz ass. Leit, déi sech hëllefe konnten, hunn den Daach alt selwer erëm zou gemaach",seet een Awunner aus der Lëtzebuerger Strooss zu Péiteng.

Säin Daach a seng Garage bausse gouf vum Tornado e Freideg beschiedegt. Den Daachdecker an den Expert vun der Assurance géifen och zäitno kommen. "Mee wéi gesot et muss ee sech op d'Bee setzen, well wann ee bësse waart da kritt een näischt méi. Well ech hunn nämlech hei dräi Deeg gewaart, datt ee mir direkt nom Stuerm um Daach d'Lächer soll zoumaachen. Bis haut ass nach kee komm."

D'Organisatioun vun der Police an de Pompjeeë beschreift hien als "chaotesch". "Si ware wahrscheinlech iwwerfuerdert. Wann dir an eng Strooss kommt, wou et nach just ausgesäit, wéi wann déi ganz Strooss gesprengt gi wier, ass dat och vläicht normal. Do waren déi wahrscheinlech och net drop virbereet."

Grouss Solidaritéit

Bei enger Partie Awunner ass den Daach ganz fortgeflunn. Dat ass zum Beispill bei enger Awunnerin aus der Lëtzebuerger Strooss zu Käerjéng de Fall. Hiren Daach wier zwar lo provisoresch ofgedeckt, trotzdeem hofft si, datt et déi nächst Zäit net ze schlëmm reent. "Mir wëssen net, ob dat d'Waasser hält an och mat der Loft, dass d'Baatschen net fort fléien, well da si mir erëm op deem Punkt wou mir waren."

Fir dat ze verhënneren, huet si de Méindeg am Laf vum Dag nach Daachdecker kontaktéiert fir Devisen ze kréien. D'Fra ass den Ament just Dagsiwwer an hirem Haus,.

"Mir haten e Freideg den Owend ganz vill Chance. Eng Fra, déi ech kennen, ass an der Sportshal bei mech komm an huet mech gefrot, ob mir betraff wieren. An du hu mir direkt e puer Stroosse weider d'Elterenhaus zur Verfügung gestallt kritt, well dat eidel stoung, wou mir elo schlofe kënnen, datt mir net hei musse sinn. Ech muss soen, datt ganz vill Leit hëllefen. Et ass net ze begräifen an ech kann dat och ni méi gutt maachen, wat vill Leit fir eis gemaach hunn."

Ma net just Privatpersoune mee och Betriber ware vum Tornado betraff. Am Restaurant Annapurna zu Käerjeng ass den Daach an d'Terrasse vum Wand matgeholl ginn, d'Liwwerween goufe beschiedegt an ee Kach gouf blesséiert. De Mann ass mëttlerweil aus der Klinik erëm doheem, seet de Proprietär vum Restaurant. Et géif him erëm gutt goen. Vir wier alles zerstéiert, banne wier et net sou schlëmm. Döi Responsabel ginn dovun aus, datt si dës Woch kéinten ufänken ze schaffen.

An der Mediathéik:

Aktuelles / / Françoise Keller
Lauschteren

Méi zum Thema

Schued Tornado
Nom Tornado am Süde vu Lëtzebuerg

De Maurice Molitor ass de Méindeg am fréien Owend op Péiteng an en Hotel gefuer, an deem Leit en Ënnerdaach fonnt hunn, deenen den Daach iwwer dem Kapp fortgeflunn ass.

Philippe Ernzer
Wiederphenomer

Tornadoe wieren et der schonn ëmmer hei am Land ginn. Dat seet de Philippe Ernzer, Grënner vu Meteo Boulaide. Den Hobbymeteorolog geet dovun aus, datt den Tornado vun e Freideg ee vun deene stäerkste war.

Pressebriefing no Tornado
No schwéiere Stierm an Tornadoen

Nom Tornado vun e Freideg gouf an engem extraordinäre Regierungsrot de Samschdeg den Owend de Bilan vun de Schied gemaach. Et goufen och eng Partie Hëllefe fir Privatleit a fir Entreprisen decidéiert.

marc hengen.JPG
No de schwéiere Stierm am Süde vu Lëtzebuerg

D'Assurancen hunn hire Cliente verséchert, si nom Tornado ze ënnerstëtzen. Zanter dem Freideg den Owend wieren déi meescht Agencë fir hir Clienten op, seet de Marc Hengen, Direkter vum Daachverband vun den Assurancen.

PK no Tornado
No Tornado am Süde vu Lëtzebuerg

De Plan intemperies gouf declenchéiert fir finanziell Hëllef séierst méiglech kënne fräizesetzen. Weider Prioritéite sinn d'Securisatioun vun den Haiser an den Héichspannungsleitungen, sou den Direkter vum CGDIS.

Käerjeng 1
Schwéier Onwiederen

Beim Passage vun engem Tornado, deen de Freideg schwéiere Materialschued am Raum Péiteng gemaach huet, goufe 14 Leit blesséiert. Um hallwer 3 an der Nuecht waren der nach zwee vun hinnen hospitaliséiert, deelt d'Regierung mat.

Opraumen no Tornadoen zu Péiteng
Tornadoen

Bei de schwéieren Onwiederen am Süde vum Land sinn am Ganze siwe Persoune blesséiert ginn, eng dovu méi schlëmm. Dat schreift de CGDIS an engem Communiqué um néng Auer de Freideg den Owend.

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen